Udal-bulego eta Zentro Guztiak

Antonio Mercero plazan kokatuta dagoen ekipamendu hau gure lasarteoriatar ezagunenetako bati xedatuta dago. Erakusketetarako areto handi bat eta hitzaldi-areto bat ditu, besteak beste. Manuel Lekuona Kultura Etxeak kudeatzen du.

Udalerriko dantza-eskola arte, prestakuntza eta hezkuntza arloetarako esparru bat da batez ere. Bertan, ikasleek beren gorputz-gaitasuna garatuko dute ─koordinazioa, oreka, bizkortasuna, malgutasuna eta indarra, besteak beste─ eta beren barneko mundua garatu eta esploratuko dute, dantzaren bitartez, emozioak eta sentimenduak adieraziz.

Honako helburu hauek planteatzen ditu:

• Sentsibilitate artistikoa eta irizpide estetikoa garatzea, norberaren prestakuntza- eta aberaste-iturri gisa.
• Estilo bakoitzean, gorputzaren kokapen egokia kontrolatzea.
• Mugimendu guztien koordinazioa eta garapena lortzea.
• Musikaltasunarekin, dantza osatzen duten mugimenduak egitea.
• Bereganatutako ezagutza teknikoak eta estilistikoak aplikatzea.
• Interpretazio artistikoaren maila gorena lortzeko beharrezko mugimenduen kalitatea lortzea.
• Dantzaren gozamena helaraztearen esperientzia bizitzea ahalbidetuko dieten animazio-jardueretan parte hartzea.

Informazio gehiago

Gaztelekua 12 eta 30 urte arteko nerabeei edo gazteei bideratutako udal-ekipamendu bat da. Dantza-areto bat, tailerretarako bi areto, bilerak egiteko bi areto, entseguetarako bi areto eta gela balioaniztun handi bat ditu.

Gaztelekuak honako hauek eskaintzen ditu:

• Gazteentzako aisialdi hezigarrirako zerbitzu bat.
• Ikastetxeko lanak egin ahal izateko ikasketa-gela bat.
• Gazteentzako Informazio Bulegoa.

Zerbitzuak

• Kontsulta
• Hemeroteka
• Wifi
• Berrien Buletina
• Mailegua
• Liburutegien arteko mailegua

Informazio gehiago

Manuel Lekuona Kultura Etxea da Lasarte-Oriako jarduera kulturalaren eragile nagusia. Zine-, musika-, antzerki-, dantza- edo hitzaldi-programa garrantzitsua eskaintzen du hilero, eta jarduera profesionalak naiz amateur jarduerak gaineratzen ditu. Hemendik, Antonio Mercero kultura-esparrua kudeatzen da.

Auditorioa, hitzaldi-aretoa, Liburutegia eta tailerretarako hainbat areto ditu. Manuel Lekuona Kultura Etxean daude, halaber, Musika-eskola eta Dantza-eskola.

Udal Musika Eskolak musikarekin lotutako prestakuntza praktikoa eskaintzea du helburu. Edozein adinetako musikazaleei xedatuta dago, eta horrez gain, ikasketa profesionaletarako orientabide eta prestakuntza ere izan daiteke bokazio eta gaitasun bereziak erakusten dituzten guztientzat.

Honako helburu hauek planteatzen ditu:

• Haurtzarotik, musikarekiko ezagutza eta hura hautemateko gaitasuna sustatzea, gazteak direnetik, hura ikas dezaten sustatuz.
• Instrumentuen irakaskuntza eskaintzea, banaka nahiz taldean jotzeko.
• Instrumentuez gain, musika-irakaskuntza osagarria eskaintzea.
• Ikasleen artean, ahots- eta instrumentu-taldeetan parte hartzeko interesa sustatzea.

Informazio gehiago