Aplikazio habiaratuak
Legegintzaldiko Plana
LASARTE-ORIAKO GOBERNU-PROGRAMA 2019-2023
AURKIBIDEA
1. Ongizateko sistema indartzea
a. Enplegua eta Merkataritza
b. Zerbitzu Sozialak
2. Aurrerabide jasangarria
a. Etxebizitza
b. Obrak
c. Zerbitzu Publikoak
d. Ingurumena
3. Gure gizarte-eredua dinamizatzea
a. Gazteria eta Festak
b. Hezkuntza
c. Kultura
d. Euskara
e. Kirolak
4. Demokrazia gehiago, herritartasun gehiago
a. Gardentasuna
b. Herritarren parte-hartzea
1.- Ongizateko sistema indartzea
Enplegua eta Merkataritza
1. Herriko Enplegu-Plan berri bat landuko dugu Enplegu-Mahaiarekin era partizipatiboan.
2. Teresategi inguruan Leroy Merlín ezartzearen alde eta gure herriko langabetuak kontratatzearen alde egingo dugu.
3. Michelin II eremuaren garapena eta Lasarte-Oriako 100 langabetu kontratatzeko hitzarmena defendatzen jarraituko dugu-
4. Enplegu Lokaleko Mahaia dinamizatzen jarraituko dugu.
5. Herriko Coworkingarekin elkarlanean aritzeko hitzarmena luzatu egingo dugu.
6. Langabetuek udalarekiko zorrak lan komunitarioen bidez kitatzeko aukera aztertuko dugu.
7. Enpresa berriak sortzeko dirulaguntzak indartu egingo ditugu, tarte bakoitzeko laguntza handituz.
8. Beterri-Buruntza Eskualdea Garatzeko Agentzia sortzearen alde egingo dugu.
9. Langabezian dauden Lasarte-Oriako pertsonen kontratazioa sustatuko dugu.
10. Merkataritza Biziberritzeko Plan Berezia berritu egingo dugu merkatarien eskutik.
11. Aterpea merkatari-elkartearentzako dirulaguntza kontsolidatu egingo dugu.
12. Merkataritzaren sektoreari lotutako ekitaldiak egitea indartuko dugu.
13. Aterpearekin batera Herritar-Txartela sortzea aztertuko dugu.
14. “Tratu on bat” marka bultzatzen jarraituko dugu
15. “Lasarte-Oria Gastronomikoa” marka sortuko dugu, gure herriko ostalaritzaren kalitatearen zigilu gisa.
16. Mantendu egingo dugu Guztion Lasarte-Oria mural-lehiaketa, horma degradatuak bere onera ekartzeko.
17. Lasarte-Oriaren historia gogoratzen duten mural handiak egitea burutuko dugu.
18. Aktibo dauden dendei erakusleiho hutsak uzten jarraituko dugu Biziberritzen proiektuaren bitartez.
19. Aktibo dauden denden estetika hobetzeko dirulaguntzen lerro bat ezarriko dugu.
20. Eguberrietako argiztapenaren kontratua zabaldu egingo dugu, udalerriko kale gehiagotara
Zerbitzu Sozialak
21. Atsobakar zahar-etxeko partzela Aldundiari lagako diogu.
22. Atsobakar zahar-etxea handitzeko eraikuntzari babesa emango diogu, zahar-etxean eta egunezko zentroan plaza gehiago sortzeko.
23. Kontent-Tu egunezko zentroko zerbitzua areagotu egingo dugu Jubilatu-Etxean.
24. Jubilatu-Etxeko larrialdiko irteeraren obrak egingo ditugu eta terraza konpondu egingo dugu.
25. Gure herriko adineko pertsonentzako etxebizitza komunitarioen alde egiten jarraituko dugu.
26. Etxean Laguntzako Zerbitzua pixkana zabalduz joango gara, herritarren premiei erantzuteko.
27. Indartu egingo ditugu Gizarte-Larrialdietarako Laguntza (GLL) eta Familientzako Laguntzak.
28. Pobrezia energetikoari aurre egiteko laguntzarekin jarraituko dugu.
29. Gurutze Gorriarekin elkarlanean, janari-banaketak mantendu egingo ditugu.
30. Kaleko hezitzaileen zerbitzua zabaldu egingo dugu, kokaleku berri bat emanez.
31. Gizartetik baztertutako pertsonentzako etxebizitza bat martxan jarriko dugu.
32. Dibertsitate funtzionala duten pertsonen kontratazioa areagotu egingo dugu udalean.
33. Jalgune Kluba adingabeetara zabaltzea proposatuko dugu.
34. Emakumeen Zentro Zibikoaren programazioa areagotu egingo dugu lizitazio berri batekin.
35. Berdintasunerako Plan berri bat landuko dugu parte-hartzezko prozesu baten bitartez.
36. Berdintasunaren gaian herriko entitateek proposatzen dituzten ekimenak babesteko dirulaguntzen lerro bat sortuko dugu.
37. Berdintasunari, generozko bortizkeriari edo sexu-abusuei buruz kontzientziatzeko kanpainekin jarraituko dugu, hala nola Beldur Barik sariak, festetako kanpainak...
38. Generozko bortizkeriaren biktima diren emakumeei aholkularitza emateko zerbitzu bat ezarriko dugu.
39. Dibertsitatezko gune berriak eratuko ditugu gure herriko kale eta plazetan
2.- Aurrerabide jasangarria
Etxebizitza
40. Oriagainen alokairuko 100 etxebizitza publiko eraikitzeko Eusko Jaurlaritzarekin lankidetzako hitzarmena egitea defendatzen jarraituko dugu.
41. Alokabiderekin negoziatuko dugu Zabaletaberri auzoan dauden babes ofizialeko 14 etxebizitza munizipalen alokairuaren kudeaketa.
42. Zabaletaberriko eta Zataraingo partzela munizipalen salmenta lizitatuko dugu, Etxebideren bitartez zozkatuko diren 120 BOE eraikitzeko.
43. Lasarte-Oriako Udalerriaren Hiri-Antolamendurako Plan Orokor berri bat onetsiko dugu herritarrek parte hartzeko prozesu baten bidez.
44. Hirigintzaren Plangintzarako Aholku-Batzordea partaidetzako organo gisa defendatzen jarraituko dugu.
45. Zabaletaberriko, Goiegi Ibarreko eta Zataraingo garapen urbanistikoak amaitzearen alde egingo dugu.
46. Cocheras eremuko jabeei Plan Bereziaren garapen berri bat proposatuko diegu, degradatutako eremu horren egoerari aterabidea emateko.
47. Etxegabetzerik gabeko udalerri bat izateko dugun konpromisoa indartuko dugu.
48. Komunitateetan igogailuak eta arrapalak jartzeko udalen dirulaguntzen lerroa mantenduko dugu.
49. Dirulaguntzen lerro berri bat sortuko dugu eraikinen efizientzia energetikoa hobetzeko.
Obrak
50. Zabaleta eta Zatarain auzoetarako igogailuen proiektuak idatziko ditugu.
51. Erribera kaleko etxabeen proiektua prestatuko dugu eta bizilagunekin obrak egitea adostuko dugu.
52. Zumaburuko liburutegi munizipal zaharreko lokalak eraitsi egingo ditugu.
53. Askatasunaren Parkeko proiektu berria eta obra egingo ditugu parte-hartzezko prozesuaren konklusioekin.
54. Basaundi Bailara - Esperantza auzoa berrurbanizatzeko obrak amaituko ditugu.
55. Jaizkibel Plazan ordenazioz kanpo dauden lokalak eraisteko eta berrurbanizatzeko prozesua amaituko dugu.
56. Oztaran auzoan mugikortasuna eta aparkalekuak hobetzeko azterlan bat proiektatuko dugu.
57. Parte-hartzezko prozesu bat proposatuko dugu Andatza plazarako eta izan ditzakeen erabilera berrietarako.
58. Oria auzoko Karmengo kapera zaharberrituko dugu.
59. Herriko ostalaritzak terrazak erabiltzeko ordenantza bat onetsiko dugu.
60. Jarduera-lizentziak emateko ordenantza bat prestatuko dugu.
61. Diputazioari Orian Allerruko biribilgune altxatua egiteko eskatuko diogu.
62. N-1 errepidearen Antxisu auzotik Oriako kaperara bitarteko tartea Diputazioari lagatzeko eskatuko dugu.
Zerbitzu Publikoak
63. San Markos Mankomunitatearen hondakin-bilketari jarraipena egingo diogu.
64. Herritarrei kontsulta egingo diegu kontainer lurperatuak kentzeko ala mantentzeko.
65. Kaleko altzariak mantentzeko hainbat urterako plan bat egingo dugu.
66. Pixkanaka aldatu egingo ditugu paperontzi munizipalak.
67. Arranbide eta Oztaran auzoko barandak aldatu egingo ditugu.
68. Baranda berriak ipiniko ditugu Zumaburu auzoko biribilgunean.
69. Ola Kalean zoladura ordeztea aztertuko dugu.
70. Hilerri munizipaleko bideak asfaltatu egingo ditugu.
71. Haur-parkeen etengabeko mantentzioa kontratatuko dugu.
72. Atsobakarko itsasontzia haurrentzako itsasontzi berri batekin ordeztuko dugu.
73. Atsobakarko tirolinaren parkean haur-jolasak pixkana berritu egingo ditugu, zaharkituta daude eta.
74. Hainbat urterako plan bat egingo dugu herriko txorko guztiak konpontzeko.
75. Goikaleko goiko parteko espaloiak aldatu egingo ditugu.
76. Asteasuain kalea berrurbanizatu egingo dugu hondoraguneak kentzeko.
77. Tximistarreta parkean komun publikoa ipiniko dugu.
78. Argiztapena LED teknologiara aldatuko dugu udalerrian.
79. Alokairuan aterako ditugu anbulatorioko eraikinean dauden garajeak.
80. Herriko sarbideak asfaltatzeko eskatuko diogu Diputazioari.
81. Manttangorri zerbitzuaren kontzesio administratiboa hedatzea aztertuko dugu.
Ingurumena
82. Udal-baratze ekologikoak martxan jarriko ditugu.
83. San Markos Mankomunitateari kalean bertan minigarbiguneak ipintzeko eskatuko diogu.
84. 5. kontainerraren aldeko apustua mantenduko dugu, material organikorako poltsak dohainik banatuz.
85. Kontzientziatzeko kanpainak areagotu egingo ditugu, herriko birziklapenaren ehunekoa gehitzeko eta hobari fiskalak lortzeko.
86. Hondakinen sorrera prebenitzeko lan egingo dugu.
87. Zarataren ordenantza prestatuko dugu.
88. N-1 errepidearen inguruan falta diren pantaila akustikoak ipintzeko eskatuko diogu Diputazioari.
89. Partzelak erosten jarraituko dugu Plazaolako Landa-Parkea amaitzeko.
90. Plazaolako bide berdea amaitze aldera, Diputazioari eskatuko diogu txanpiñoizalearen tunel ezagunari irtenbidea emateko.
91. Urtero landaketa berri bat egingo dugu.
92. Mugikortasun jasangarriko plan bat prestatuko dugu, herritarren parte-hartzezko prozesu baten bidez.
93. Tximistarretako aire-kontrolerako kabina Euskadiko zaintza-sare iraunkorrean integratzeko eskatuko dugu.
94. Eraikin munizipalen efizientzia energetikoa aztertuko dugu.
95. Herriko kolektoreak eta Bruneteko ponpalekua konpondu egingo ditugu, isurketak ekiditeko.
3.- Gure gizarte-eredua dinamizatzea
Gazteria eta Festak
96. Gazteriako Plan bat landuko dugu parte-hartzezko prozesu baten bitartez.
97. Gaztelekuko zerbitzua lizitaziora aterako dugu ordutegia zabalduz.
98. Gazte-ikastaroak mantendu egingo ditugu eskariaren arabera.
99. Gazte-Gaua antolatzen jarraituko dugu, Survival Zombie bezalako edo antzeko jarduerekin.
100. Gazteentzako ekimen sortu berriei laguntzak ematea defendatuko dugu.
101. Urtero ospatuko dugu Lasarte-Oriaren urteurrena
102. Inauterien programazioa zabalduko dugu konpartsekin elkarlanean.
103. Udalerriko festa-jarduerak deszentralizatzea babestuko dugu
104. Auzoetako festetarako dirulaguntzak handituko ditugu
105. San Pedro jaietan entitateei ematen zaizkien dirulaguntzak kontsolidatuko ditugu.
106. Udalerriaren banderak banatuko ditugu San Pedro jaietan balkoiak apaintzeko.
107. Eguberrietako Haurren Parkea Erregeen egunera arte zabalduko dugu.
108. Balkoien dekorazioko lehiaketa bat sortuko dugu Eguberriak animatzeko.
Hezkuntza
109. Agenda 21 Lokala sostengatzen jarraituko dugu, kontzientziatzeko bide gisa.
110. Ikastetxeetan ikasleek kontzientziazio-kanpainetan parte hartzea landuko dugu: berdintasuna, dibertsitatea, bullyinga, ingurumena...
111. Eskolako materiala erosteko laguntzak indartuko ditugu, bigarren hezkuntzako ikasleak ere barne hartuz.
112. Udalerriko Eskola-Kontseiluak jarraitzearen alde egingo dugu.
113. ikastetxeetako guraso-elkarteei dirulaguntzak emango ditugu beren jarduera garatzeko.
114. Eskoletako patioak eskola-orduetatik kanpo erabiltzea bultzatuko dugu.
115. Sasoeta eskolan fatxadako eta estalkiko obrak egingo ditugu.
116. Sasoeta eskolan sarrera berri bat egiteko proiektua idatziko dugu, ikastetxeak hala eskatuta.
117. Eusko Jaurlaritzari Zumaburu Eskolan eraitsitako terrazak eraikitzeko eskatuko diogu.
118. Landaberri Eskolan estalkiko obra eta urak biltzekoa burutuko dugu.
119. Landaberri Eskolan jangela egiteko eskatuko diogu Eusko Jaurlaritzari.
120. Donostiako Udalari hipodromoan markesina ipintzeko eskatuko diogu eskolako garraiorako.
121. Andre Joakinaenea haurtzaindegiko haur-jolasak aldatuko ditugu.
122. Andre Joakinaenea haurtzaindegiko patioetako beirateetan estoreak ipiniko ditugu.
123. Lokal munizipaletan haurtzaindegi-plaza berriak sortzea aztertuko dugu.
Kultura
124. Kontsolidatu egingo ditugu herriko entitateekin ditugun hitzarmenak eta kulturaren arloko dirulaguntzen lerroa.
125. Herriko Urtekaria beste formatu batera birformulatzea aztertuko dugu.
126. Kulturetxeko auditorion butakak eta oihala aldatzeari ekingo diogu.
127. Kulturetxeko estalki berriaren eta klimatizazioaren proiektua prestatuko dugu.
128. Haurrentzako eta helduentzako antzerki-programazioa zabalduko dugu.
129. Zurizko Gauaren festa mantenduko dugu.
130. Liburutegi munizipaleko altzariak eguneratuko ditugu.
131. Kulturetxean gela polibalente berriak sortuko ditugu entitateei uzteko.
132. Musika-Eskolako programazioa zabalduko dugu, musika-tresna berriak erosiz.
133. Musika-banda munizipala sortzea aztertuko dugu.
134. Antonio Mercero museo birtual berria inauguratuko dugu.
135. Kontsolidatutako azoken alde egiten jarraituko dugu, hala nola Artisautzako Azoka, Santa Ana Parodia, Erdi Aroko Azoka...
Euskara
136. Urtero Euskararen Eguna ospatuko dugu.
137. Euskararen Plan Lokal berria prestatuko dugu.
138. Euskararen Maratoia antolatzearen eta Euskaraldiari jarraipena ematea babestuko dugu.
139. Udaltop jardunaldiak euskal teknikarien topagune gisa finkatuko ditugu.
140. Ttakun Elkartearekin elkarlanean aritzeko hitzarmena mantenduko dugu.
141. Dirulaguntzen lerro bat sortuko ditugu euskara sustatzeko ekimenei babesa emateko.
142. Ikastetxeetako guraso-elkarteekin euskararen erabilera indartzeko hitzarmenak sinatzen jarraituko dugu.
143. Euskaltegi munizipalean matrikulatzea sustatuko dugu, euskara ikasteko bekak eskainiz.
144. Udako Unibertsitatean euskarazko ikastaroak egiteagatik edo aisialdiko begiralearen titulua lortzeagatik bekak ematea luzatuko dugu.
145. Gidabaimenaren atal teorikoa euskaraz lortzen dutenak sarituko ditugu.
146. Herriko establezimenduetan errotuluak euskaraz jartzea diruz lagunduko dugu.
147. Jaioberriei ongietorria emateko kanpaina indartuko dugu.
148. Euskarazko produktuen katalogoa egiten jarraituko dugu.
149. AEK euskaltegiari laguntza ematen jarraituko dugu, eta hark antolatzen duten Korrika festan parte hartuko dugu.
150. Euskal Jaia ospatzearekin elkarlanean jarraituko dugu.
151. Udako txokoen zerbitzua zabaldu egingo dugu jantokiko zerbitzua emanez.
Kirolak
152. Kiroldegi berriaren proiektua herritarren parte-hartzearen bidez lantzeko lehiaketa publikoa amaituko dugu eta obrak lizitaziora aterako ditugu.
153. Atsobakarren futbol-zelai berria eta atletismo pistak eraikiko ditugu, behin Usurbilgo baimenak lortutakoan.
154. Egungo kirol-programazioa zabalduko dugu.
155. Erabiltzaile federatuentzat abonamenduko hobaria mantenduko dugu.
156. Kirolaren Gala ospatzen jarraituko dugu, parte-hartzezko prozesu baten bidez gure kirolariak saritzeko.
157. Herriko Kirolaren 1. Azoka antolatuko dugu
158. Udalerriko bidegorrien sarea zabalduko dugu
159. Zumaburuko Isla plazan pista multikirol bat ezarriko dugu.
160. Ariketa kardiobaskularrak egiteko makinak jarriko ditugu Oriako Karmengo kaperaren ondoan.
161. Kalisteniako parke bat kokatuko dugu Sasoetako Urdaburu plazan.
162. Parkourreko parke bat instalatuko dugu Oztaran auzoan, N-1eko zubiaren azpian.
163. Antxisu auzoko pista multikirola eraberrituko dugu.
164. Michelingo areto-futboleko zelaia zaharberrituko dugu beharretara egokitzeko.
4.- Demokrazia gehiago, herritartasun gehiago
Gardentasuna
165. Nazioarteko Gardentasuna Espainia erakundeari agintaldi berri honetan berriro ebaluatuak izateko eskatuko diogu.
166. Udalbatzako kide guztiek sinatutako kode etiko eta jokabidezko bat onesten saiatuko gara.
167. Udalbatza berriko kideek udalen webgunean publiko egingo dituzte ondasunen eta errenten deklarazioak, bai halaber beren funtzioak betetzeagatik jasotzen dituzten ordainsariak.
168. Udal-taldeek talde eta zinegotzi bakoitzeko lortutako diru-sarreren erabileraren berri emango dute.
169. Udaleko konfiantzazko karguen banan-banako zerrenda argitaratuko dugu, eta haien ordainsarien zenbatekoa.
170. Gobernuaren programa udalaren webgunean eskuragarri egongo da, eta urtero emango du bere betetze-mailaren berri.
171. Udalaren webguneak sei hilean behin argitaratuko du alkatetzak sinatutako kontratuen, dirulaguntzen eta dekretuen lista.
172. Sei hilean behin publiko egingo da jasotako kexen eta iradokizunen txostena.
173. Seihilabetekari munizipalak egingo ditugu herritarrak informatzeko.
174. Liburuxka berezi bat argitaratuko dugu Udalaren aurrekontuak esplikatzeko.
175. Alkatearen agendak publiko izaten jarraituko du udalaren webgunean, herritarrek jakin dezaten denbora zertan ematen duen eta norekin biltzen den.
176. Alkateak astean bi arratsaldez herritarrak eta entitateak errezibitzen jarraituko du, aldez aurretik hitzordua eskatuta.
177. Okendo plazan pantaila bat jarriko dugu, herritarrentzat interesgarria den informazioa argitaratzeko.
Herritarren parte-hartzea
178. Partaidetza-prozesu guztiak udalaren webgunean argitaratuko dira.
179. Argazkiz salatzeko HorKonpon aplikazioaren alde egiten jarraituko ditugu
180. Udalaren aurrekontuak prestatzeko parte-hartzezko prozesu bat egiten jarraituko dugu.
181. Herritarrentzako Bulego Mugikorraren bidez hilero auzo guztiak bisitatzea mantenduko dugu.
182. Administrazio elektronikoaren bidez egin daitezkeen tramiteen kopurua handitu egingo dugu.
183. Herritarrentzako Arreta-Zerbitzuaren (HAZ) proiektua prestatuko dugu.
184. Udalaren lokalak kulturaren eta kirolaren arloko entitateei uzteko araudia onetsiko dugu.
185. Udalaren euskaltegi zaharra Elkarteen Hotel moduan prestatuko ditugu.
186. Auzoen Aholku-Kontseilua eratuko dugu, herriko auzo-elkarteen partaidetzako organo gisa.
187. Auzo-elkarteentzako dirulaguntzen lerro bat jarriko dugu martxan.
188. Udalaren lokala uzteko hitzarmena sinatuko dugu Zabaletako auzo-elkartearekin.
189. Arranbideko lokal munizipala birgaitzeko lanak amaituko ditugu, gero auzo-elkarteari lagatzeko.
190. Lizitaziora aterako ditugu Sasoetako lokal munizipala birgaitzeko obrak.
191. Orian lokal munizipal bat birgaitzeko proiektua idatziko dugu.
192. Islada Ezkutatuak taldeak oroimen historikoaren arloan egiten duen lana babesten jarraituko dugu, liburu bat argitaratuz.
193. Gure udalerrian bizikidetasuna lantzen jarraitu behar dugu, Baketik fundazioarekin sinatutako hitzarmen baten bidez.