Kirol-gune berria Atsobakarren
Lasarte-Oriari kirol-eremu berri bat hornitzea da proiektuaren helburua. Kirol-gune berriak entrenamenduetarako futbol- eta errugbi-zelai bat eta atletismorako pistak izango ditu eta, horrela, gaur egungo Mitxelinekoak ordezkatuko dira. Gainera, eraikin atxiki bat eraikiko da hainbat kirol-zerbitzutarako (biltegia, gimnasioa eta aldagelak, adibidez). Kafetegi bat ere planteatu da.
Lasarte-Oriako Udalak Donostiako Sestra, Ingeniería y Arquitectura, S.L. enpresari esleitu dio kirol-instalazio berrien planteamendua, oinarrizko proiektua eta exekuzioa, 54.329 euroren truke.
