Artisten erregistroa
Lasarte-Oriako Udalak gure udalerrian diharduten diziplina guztietako artisten direktorioa jarriko du herritarren eta elkarteen eskura. Horretan parte hartu nahi baduzu, artista edo talde gisa (musika, antzerkia, dantza, arte plastikoak eta bisualak, literatura, diseinua eta abar), edo katalogoa kontsultatu nahi baduzu, herritar gisa, hemen informazio guztia aurkituko duzu.
Artisten katalogoa
Aplikazio honen helburua artistak herritarrekin harremanetan jartzea da. Horrela, interesa duen edonork jaso dezake Lasarte-Orian proiektu artistikoak garatzen ari diren sortzaileei buruzko informazioa. Era berean, plataformak artistei aukera ematen die beren lana ezagutarazteko eta egiten duten jardueran interesatutako publikoarekin konektatzeko.
Artista bazara
Katalogoan sartzeko interesa baduzu, bete ezazu izena emateko formularioa jarraibideen arabera. Nahitaez bete beharreko eremuak izartxo batekin adierazita daude. Betetzen den informazio guztia publikoa izango da. Formularioa gaztelaniaz eta euskaraz dago eskuragarri.
Formularioaren amaieran, datuak babesteko prozedura azaltzen da, dagokion legearen arabera. Formularioa bidali aurretik, zeure baimena eman beharko duzu, emandako informazioa publiko egin dadin. Bestela, erregistroa ez da egingo, proiektu honen ezinbesteko baldintza baita zabalkunde publikoa.
Eskerrik asko zure ekarpenarengatik.