Parte-hartze prozesu horren bidez, auzotarren iritzia jakin nahi da, auzoan estalki bat jartzea nahi duten, eta, hala bada, estali beharreko espazio publikoen ezaugarriak eta erabilerak ezagutu nahi dira.

Parte-hartze prozesuaren lehen fase honetan, Zabaleta-Berri eta Zatarain auzoetako bizilagunek dokumentazioan eskuragarri dauden planoetan zehazten diren espazio publikoetan ezarri beharreko estalkien ezaugarriei buruz duten iritzia ezagutu nahi da. Estalki horiek 300-400 metro koadroko azalera izango dute.

Horretarako, hainbat dokumentu jartzen dira eskuragarri, honako hauetarako:

• Ikusi non jarriko litzatekeen estalkia auzo bakoitzean.
• Lasarte-Oriako eta beste udalerri batzuetako estalkien adibideak. Estalki horiek eredu gisa erabiltzen dira nahi den estalki mota zehazteko. Azken estalkia ez litzateke izango aukeratutakoa bezalakoa.

NOLA PARTE HARTU

• Auzo bakoitzean dagokion bilerara joanda. Prozesuari buruzko informazioa helarazteko eta bizilagunen iritziak ezagutzeko.
  • ZABALETA-BERRI AUZOA
    • EGUNA: Apirilak 3
    • ORDUA: 18:00
    • LEKUA: Zabaletako frontoian
  • ZATARAIN AUZOA
    • EGUNA: Apirilak 9
    • ORDUA: 18:30
    • LEKUA: Kultur Etxeko Hitzaldi aretoa (3. solairua)
• "Parte hartu zure iritziarekin" botoia sakatuz orri honetan bertan. Inprimaki bat irekiko da, eta bertan NANa adierazi beharko da nahitaez, erroldaren bidez egiaztatuko baita parte hartzen duen pertsona auzoan bizi dela. Horrela, auzo bakoitzeko bizilagunek eurek erabakitzen dutela lortu nahi da.

Animatu parte hartzera!

Udalak proiektu teknikoak idazteko lanak esleitu ondoren, bi proposamen aurkezteko eskatuko zaio erredakzio-taldeari. Proposamen horiek herritarren aurrean aurkeztuko dira, bi proposamenetatik zein garatu behar den erabakitzeko.