2020·09·04

Agustín Valdivia alkateak, Lourdes Acevedo zerbitzu sozialetako zinegotziarekin eta Maite Iglesias emakume-zentroko teknikariarekin batera, hastera doan ikasturte berria aurkeztu du. Ikasturtea, ordea, COVID-19aren pandemiak markatuta dago, eta, ondorioz, mugatu egin da jarduera bakoitzerako aforoa, eta protokolo batzuk jarraitu beharko dira.

Valdiviak udal-bizitzan nolabaiteko normaltasuna berreskuratzearen garrantzia azpimarratu du, bereziki Lasarte-Oriako emakumeak sozializatzeko eta ahalduntzeko garrantzizkoa den zentro batean.

Sexuen elkarbizitzarako emakumearen zentroak irailean irekiko du hilaren 21ean hasi eta urtarrilaren 29ra arte iraungo duten ikastaro askotarikoetan izena emateko epea.

Hauek dira ikastaroak eta Lasarte-Orian erroldatutako pertsonentzat dituzten prezioak:

• Antzerkia (51,00 €)
• Yoga (38,25 €)
• Biodantza (38,25 €)
• Eskulanak (51,00 €)
• Ehoziriak (43,96 €)
• Tai-Xia (21,98 €)
• Sabel dantza (30,60 €)
• Hipopresiboak (44,55 €)
• Gorputza entzuten eta atenditzen ikasiz (dohainik)
• Jantzi-konponketak eta patroiak (dohainik)
• Bitxien tailerra – Hastapena (doan)
• Kafe tertulia (dohainik)
• Normaltasun berrirako tresna telematikoak (dohainik)
• Kantua (dohainik)
• Egunerokotasunerako psikologia (dohainik)
• Batuka (dohainik)
• Gure kultura orokorra lantzen (dohainik)

Informazio gehiago nahi izanez gero, Emakumeen Zentrora jo behar da, 9:30etik 13:00etara eta 15:30etik 19:30era. Ikastaro batean izena emandako pertsonak benetan dauden plazak baino gehiago badira, zozketa bidez adjudikatuko dira plazak. Irailaren 11n 12:00etan egingo da zozketa, Emakumeen Zentroan.

Lasarte-Oriako Udalak euskararen erabilera bultzatzeko onetsia duen planean adostutako hizkuntzazko jokabideak jarraituko dira ikastaroetan.