Sasoeta auzoak jai-giroz beteko du asteburua adin guztientzako herri-jarduerez osatutako egitarau koloretsu bati esker. Sasoeta Sasoian elkarteak antolatuta, herritarrak elkartu eta auzo-komunitatea sendotzeko ekimen ugari izango dira jokoan. Gastronomia, musika, haurrentzako jolasak eta ohiko danborradak izango dira auzoko bazterrak biziberrituko dituzten ardatz nagusiak.

Sasoetako jaiak Lasarte-Oriako nortasun-ikur garrantzitsu bihurtu dira urteen joanean, auzotarren inplikazioari eta elkarlanari esker. Sasoeta Sasoian elkarteak bertako elkarteekin eta Udalarekin batera lan egiten du urtero, belaunaldien arteko harremanak estutuko dituen egitarau parte-hartzailea bermatzeko.