2020·12·07

Osoko bilkura udalaren webgunearen bidez jarraitu ahalko dute herritarrek, lehen egin ohi zen bezala.

Gainera, gai-zerrendakoak amaitutakoan herritarrei parte hartzeko aukera emango zaie berriro. Batzar-aretoaren aforoa nabarmen murriztu denez gero, aretoan bertan egotea eragotziz, hitza hartu nahi duten pertsonek idatziz eskatu beharko dute udaletxeko erregistroan, edo, bestela, eskaera-orria beteta bidali beharko dute honako helbide honetara: erregistroa@lasarte-oria.eus. Parte-hartzaileei udalbatzarrean parte hartzeko jarraibideak adieraziko zaizkie.

Udalbatzarraren gai-zerrenda honako hau da:

1. 2020 ekitaldian kredituak aldatzeko gaur arte bideratu diren dosierren berri ematea.

2. Etorkizuneko aurrekontuak konpromiso-kredituak aldatzeko proposamena.

3. Udal langileen 2020ko ordainsari-igoeraren onarpena.

4. Lasarte-Oriako eta Donostiako udalerriak Bateragarri egiteko Planaren aldaketa, Lasarte-Oriako Plangintzako Arau Subsidiarioetako "A-33 Teresategi" eta "AÑ.10 Recalde (II)" eremuei eta Donostiako HAPOko bide-sistema orokorraren behin betiko onarpena.

5. Bozeramaileen Batzordeak osoko bilkuran onartu ondoren, "Sahararekin elkartasuna Lasarte-Oria mugimenduak" aurkeztutako mozioa - "Mendebaldeko Saharako su-etenaren amaiera" aurkeztutako erakunde adierazpena.

6. Galdera eta erreguak.