Herritarren partaidetza-prozesu bat ireki dugu Askatasunaren Parkea eta hark izan ditzakeen erabilerak berriz zehazteko. Herritarren aldetik askotan jasotzen ditugu parkearen gaur egungo diseinua aldatzeko eskaerak eta, beraz, partaidetza-prozesu bat egin beharko genukeela uste dugu, parkeak hartzen duen erdiguneko eremu hori zehazteko.

Prozesu parte-hartzaileak parkearen gaur egungo diseinua aztertu eta aldaketak proposatuko ditu, planteatutako erabilera-premiak kontuan hartuta. Ahal den heinean, erdiguneko parke horrek egin diren proposamenak jasotzea da helburua, betiere Eusko Jaurlaritzak bere garaian zehaztutako babes-planeko eskakizunak errespetatuz.

Lasarte-Oriako Udalak Emun, Kooperatiba Elkarteari esleitu dio etorkizuneko Askatasunaren Parkeari buruzko prozesu parte-hartzailea. Prozesuak 9.293 euroko kostua izango du.

Faseak

1. Fasea

Fase honetan, herritarrek hainbat bitarteko erabiliz egin dituzten ekainaren 22ra arteko proposamen guztiak jaso dira. 500 lasarteoriatarrek baino gehiagok erantzun diete egindako inkestei, postontzietan utzitako edo ikastetxeetan banatutako orrien bitartez

Gainera, bi egunetan elkarrizketa pertsonalak egin ziren kalean, eta parkearen erabileran eragina duten udal-zerbitzuei egin zitzaien kontsulta.

2. Fasea

Jasotako proposamen guztiekin, enpresak proposamenen txosten bat egingo du, eta hura aurrez aurreko saio batean edo bitan jorratuko da, uda igaro ostean. Lehen saiora herritar eta tokiko erakunde guztiei gonbidatuko zaie, eta irailaren 18an egingo da. Beharrezkotzat joz gero, bigarren saio bat egingo litzateke.

3. Fasea

Horien bideragarritasuna zehaztu ondoren, Hirigintza Sailak prozesu horretatik ateratako ondorioak erabiliko ditu parkearen berrurbanizazio-proiektua lizitatzeko. Gero, haren aurrekontua egin eta Udalak behar bezala onartu beharko du.