Lasarte-Oriako Udalak zaraten inguruko ordenantza egiteko asmoa du. Alde batetik, kutsadura akustikoaren inguruko Euskal Autonomia Erkidegoaren 2012ko urriaren 16ko 213/2012 dekretua betetze aldera, eta bestetik, udalerriko kutsadura akustiko zehatzei erantzuna emateko.

Kontsulta publikoaren helburua Lasarte-Oriako zaraten inguruko diagnostikoa osatzea da, eta ondorioz, haiei irtenbidea emateko neurriak ezartzea.

Besteak beste, hurrengo gaien inguruko herritarren iritzia jaso nahi da:

• Zeintzuk dira Udalak kutsadura akustikoa sortzen duten fokuen inguruan ukitu behar dituen itemak?  
• Nola uste duzu lagundu dezakeela araudi honek kutsadura akustikoak sortzen dituen eragozpenak gutxitzen?
• Nola uste duzu gutxitu daitezkeela kutsadura akustikoak sortzen dituen eragozpenak?
• Zein informazio eman beharko luke udalak kutsadura akustikoaren inguruan?

Erregalamendua tramitatu aurretik, beharrezkoa da herritarrei partaidetza ematea, haiek egin nahi dituzten proposamenak jasoz. Kontsulta publikoa otsailaren 15ra arte egongo da zabalik, eta proposamenak Udalari honela bidali ahalko zaizkio:

• Idatziz, Udaleko Erregistroan idatzi bat aurkeztuz.
• Bide telematikoz, Herritarren Parte-hartzearen atalaren bitartez.
• E-maila bidaliz helbide elektroniko honetara: partehartzea@lasarte-oria.eus.