Udal babes ofizialeko etxebizitzak alokairuan esleitzeko prozedura arautzen duen ordenantzaren aurretiko kontsulta
11·06·2025
Ekimenaren prozesua
HERRITARREN PARTEHARTZEA
2025/06/11
Gaur egungo fasea
PROPOSAMENEN ANALISIA
Gaur egungo fasea
ONDORIOAK ETA EMAITZAK
Gaur egungo fasea
Administrazio Publikoen Administrazio Prozedura Erkidearen 39/2015 Legeak 133. artikuluan ("Herritarrek lege-mailako arauak eta erregelamenduak egiteko prozeduran parte hartzea") ezartzen duenez, lege- edo erregelamendu-proiektua edo -aurreproiektua egin aurretik, kontsulta publiko bat bideratuko da.
Kontsulta hori ez dago araututa; izan ere, Konstituzio Auzitegiak eskumenen ordenaren kontrakotzat jo du artikulu horren gainerakoa, 4. apartatuaren lehen lerrokada izan ezik, maiatzaren 24ko 55/2018 Epaiaren bidez. Edonola ere, ordenantza proiektua egin aurretik kontsulta publikoa egin behar da.
Lasarte-Oriako Udalak Lasarte-Orian babes ofizialeko udal-etxebizitzak errentamendu-erregimenean esleitzeko prozedura arautzen duen ordenantza egitea aurreikusten du.
Araudiaren helburua da Lasarteko Udaleko babes ofizialeko etxebizitzak esleitzeko prozedurari esparru juridiko egonkor, garden eta ekitatiboa ematea. Horrela, esleipen-prozesu osoan nagusi izan behar duten betekizunak, baremazio-irizpideak, esleipen-prozedurak, parte hartzeko mekanismoak eta berme juridikoak arautu behar dira, indarrean dagoen araudi autonomikoan ezarritakoaren arabera.
Ordenantzak objektibotasunaren, lehiaren eta publizitatearen printzipioak bete behar ditu, eskatzaileen arteko aukera-berdintasuna bermatuz. Gainera, lehentasuna eman nahi zaie egoera bereziki ahulean dauden pertsonei, eta gazteen emantzipazioa sustatu nahi da, etxebizitzaren eta gizarte-kohesioaren arloko politika publikoekin bat etorriz.
Kontsulta publikoaren helburua da herritarrek eta operadoreek araudi horri buruz duten iritzia jasotzea.
Kontsulta egiteko epea 15 egunekoa da, Udalaren webgunean argitaratzen denetik. Argitalpen-data 2025/06/11.
Udalaren aurrean beren proposamenak aurkezteko gonbita egiten zaie hala uste dutenei. Udalaren Erregistro Orokorraren bidez egin ahal izango dira, aurrez aurre (Okendo plaza 1) 9:00etatik 14:00etara, edo online, www.lasarte-oria.eus helbidean.
