Udal Musika Eskolak musikarekin lotutako prestakuntza praktikoa eskaintzea du helburu. Edozein adinetako musikazaleei xedatuta dago, eta horrez gain, ikasketa profesionaletarako orientabide eta prestakuntza ere izan daiteke bokazio eta gaitasun bereziak erakusten dituzten guztientzat.
Honako helburu hauek planteatzen ditu:
Haurtzarotik, musikarekiko ezagutza eta hura hautemateko gaitasuna sustatzea, gazteak direnetik, hura ikas dezaten sustatuz.
Instrumentuen irakaskuntza eskaintzea, banaka nahiz taldean jotzeko.
Instrumentuez gain, musika-irakaskuntza osagarria eskaintzea.
Ikasleen artean, ahots- eta instrumentu-taldeetan parte hartzeko interesa sustatzea.
