Hurrego larunbatean, urtarrilaren 25ean, Manuel Lekuona Kultur Etxeko auditorioak Miñan antzezlana hartuko du, Artedramak egokitutako lan hunkigarria, Ibrahima Balderen bizitzaren kronikan oinarritua eta Amets Arzallusek idatzia.

Lan honek Ibrahimaren bidaia kontatzen du, Gineatik Europarako bidean anaia txikiaren bila abiatzen denean. Basamortua zeharkatuz, gosea, egarria, indarkeria eta deshumanizazioa ezagutuko ditu, baina baita bizitza bakoitzaren unibertsaltasuna eta giza balioa ere. Gogoetarako gonbita egiten duen istorio sakona da, migrazioa eta erresilientzia ardatz dituena.

Antzezlana 20:00etan hasiko da, eta aktore bikainak arituko dira bertan, besteak beste, Ander Lipus, Sambou Diaby, Eihara Irazusta eta Mikel Kaye, Ander Lipusek zuzenduta.

Fitxa artistikoa:

• Egileak: Ibrahima Balde eta Amets Arzallus
• Egokitzapena: Timberlake Wertenbaker
• Zuzendaritza: Ander Lipus
• Musika: Aitor Agiriano (Toro)
• Eszenografia: Jose Pablo Arriaga
• Argiztapena: Oier Ituarte

Sarrerak eskuragarri daude auditorioaren leihatilan eta Lasarte-Oriako Udalaren online salmenta plataforman.

Ez galdu hunkitu eta hausnartzera eramango zaituen lan paregabe hau.