2021·05·10

Osoko bilkura udalaren webgunearen bidez jarraitu ahalko dute herritarrek, lehen egin ohi zen bezala.

Gainera, gai-zerrendakoak amaitutakoan herritarrei parte hartzeko aukera emango zaie berriro. Batzar-aretoaren aforoa nabarmen murriztu denez gero, aretoan bertan egotea eragotziz, hitza hartu nahi duten pertsonek idatziz eskatu beharko dute udaletxeko erregistroan, edo, bestela, eskaera-orria beteta bidali beharko dute honako helbide honetara: erregistroa@lasarte-oria.eus. Parte-hartzaileei udalbatzarrean parte hartzeko jarraibideak adieraziko zaizkie.

Udalbatzarraren gai-zerrenda honako hau da:

1. Lasarte-Oriako familientzako eskola-materiala erosteko eta merkataritzari laguntzeko diru-laguntzen oinarriak aldatzeko proposamena.

2. Enpresa batzordearekin adostutako Arrazionalizazio-Planaren onarpena.

3. Lasarte-Oriako Udalak eta Gipuzkoako Garraioaren Lurralde Agintaritzaren Patzuergoak sinatu behar duten Gipuzkoako lurralde historikoko garraio publiko kolektiboan tarifak integratzeko sistema ezartzeko lankidetza-hitzarmena onartzea.

4. Lasarte-Oriako bidaiarien hiri-garraio publikoko zerbitzuan tarifak integratzeko sistema ezartzeko lankidetza-hitzarmena onartzea. Zerbitzu hori Tolosa Donostiako Tranbia Konpainiak ematen du, eta konpainia horrek, Lasarte-Oriako Udalak eta Gipuzkoako Garraioaren Lurralde Agintaritzaren Partzuergoak sinatu behar dute.

5. Lasarte-Oriako 2021-2025 Emakume eta Gizonen arteko II. Berdintasun Plana.

6. Bozeramaileen Batzordeak osoko bilkuran onartu ondoren, Enba eta EHNE taldeak aurkeztutako mozioa: "Mendiko abelzaintzaren eta otsoaren populazioaren kontrolaren alde."

7. Bozeramaileen Batzordeak osoko bilkuran onartu ondoren, Euskadiko Otso Taldeak aurkeztutako mozioa: "Abelzaintza eta otsoak batera izateko ereduaren alde".

8. EH Bilduk aurkeztutako mozioa: "Herriko Elkarte gastronomikoei zaborren-tasan hobaria aplikatzeko mozioa"

9. Galdera eta erreguak.