Gaur argitaratu da Lasarte-Oriako Udalaren Konpainia-Animalien Babesa, Ongizatea eta Edukitze Arduratsua Arautzeko Udal-Ordenantzaren proiektuaren inguruko aurretiazko kontsulta publikoa. Hiri Antolaketa, Obra eta Ingurumen Departamentuak sustatutako prozesu honek herritarren eta erakundeen iritziak jasotzea du helburu.

Kontsulta gaurtik aurrera 15 egun balioduneko epean egongo da zabalik, arau berrirako iradokizunak eta proposamenak egin ditzaten.

Ekimen honen helburua da udal-ordenantza eguneratzea, autonomia-erkidegoko eta estatu mailako lege berrietara egokituz, udalerrian erantzukizunezko bizikidetza sustatzeko.

Informazio gehiago eta parte-hartzea: Lasarte-Oriako Udalaren webgunea: https://www.lasarte-oria.eus/