Lasarte-Oriako Udal Kirol Zerbitzuak hogeita hamabosgarren Squash txapelketa soziala antolatu du. Txapelketa 2025ko apirilaren 7an hasiko da eta apirila, maiatza eta ekaina artean garatuko da. Parte hartzeko asmoa dutenek martxoaren  21a arteko epea dute Maialen Chourraut Kiroldegiko harreran izena emateko. Parte hartzeko gutxieneko adina 16 urte da. Inskripzioaren prezioa udal kiroldegietako bazkideentzat 11,60 eurokoa da.