Lasarte-Oriako Udaleko Kultura zinegotzi Ainara Elicecheak eta Intza Alkain aktore ezagunak martxorako kultur egitarau handinahia aurkeztu dute, arreta berezia eskainiz Martxoaren 8ari eta Antzerkiaren Nazioarteko Egunari, askotariko eta kalitatezko proposamenekin.

Aurkezpenean, Ainara Elicecheak nabarmendu zuen "Udala etengabe ari dela lanean eskaintza kultural anitz eta inklusiboa bermatzeko, emakumeen protagonismoa indartzen duten proposamenekin, ez soilik martxoan, urte osoan baizik". Gainera, ekintza hauek "gizarte justuago eta berdinzaleagoa eraikitzeko funtsezkoak" direla azpimarratu zuen.

Aipatutako ekintza nagusien artean daude iragan asteburuko ekitaldiak:

• Martxoak 7: "La Maja y la Mona", helduentzako antzerkia, Ttipia Teatroa taldearen eskutik (Auditorioan, 19:00etan, sarrera doan).
• Martxoak 8: "Azerik eta Erbik, basoa salbatzen dute", haur-antzerkia, hau ere Ttipia Teatroarekin (Auditorioan, 17:00etan, sarrera doan).
• Martxoak 9: "Emakume Sortzaileak" kontzertu berezia, Zero Sette A.O.-ren eskutik (Mercero gunea, 12:30ean, doan).

Baita ere, martxoaren 13rako aurreikusitako "Kikilisaltsa" antzezlana (Merceron, 19:30ean, doan).

Zinegotziak nabarmendu zuen martxoaren 27ko Antzerkiaren Nazioarteko Egunaren garrantzia, adieraziz "aukera paregabea dela antzerkiak gizartean duen gaitasun eraldatzailea eta hausnarkorra aldarrikatzeko". Udalak data hori "Renata" antzezlanarekin ospatuko du, Kamikaz Koleztiboaren eskutik, martxoaren 22an (Manuel Lekuona Auditorioan, 20:00etan).

Gainera, Alkain "AMAK" antzezlanean parte hartuko du, Txalo Produkzioaken ekoizpena, martxoaren 29an Manuel Lekuona Auditorioan eskainiko dena, kultur agenda aberats honen amaiera bikaina eskainiz.

"AMAK" antzezlana lau emakumeren istorio barregarria kontatzen duen komedia da; emakume horiek ikastola bateko itxaron gelan harrapatuta geratuko dira. Egoera desesperagarri honek mugarik gabeko terapia ustekabera eramango ditu, non amatasunaren alde onak eta txarrak azalera aterako diren.

Antzezlanean Iraitz Lizarraga, Tania Fornieles, Oihana Maritorena eta Intza Alkain arituko dira, Begoña Bilbao Lejarzen zuzezuzendaritzapean eta Elena Díazek idatzirik.

Txalo Produkzioaken lan hau Elena Díazen "Madres" obraren euskarazko egokitzapena da, eta amatasunaren hainbat alderdi modu gertuko eta umoretsuan azaltzen ditu.

"AMAK" antzezlanaren emanaldia martxoaren 29an izango da, 20:00etan, Manuel Lekuona Auditorioan, eta Lasarte-Oriako kultur agendako ekitaldi nabarmenetako bat izatea espero da.

Udaletik herritar guztiak gonbidatzen dituzte ekintza hauetan aktiboki parte hartzera, kultura sentsibilizazio, berdintasun eta gizarte eraldaketarako tresna gisa sustatuz.