Baserritar azokak, egunerokoak eta bereziak, izan dira baserritarrentzat bere baserrian ekoiztutako produktuak saltzeko bide ezin hobea. Sektoreak bizi duen barne-krisiak eta kontsumoaren jeitsierak are garrantzitsuago bilakatu du salmenta zuzena jorratzeko bide hauek ziurtatzea eta herrietako giroan ere barneratzea.

Azoka hau aisi jarduerarako  edo astegunetan azoketara joan ezin dutenentzat ere aukera bat da.

Azokaren ezaugarriak:

• Azoka azaroaren 13-ean, larunbata, Okendo Plazan izango da.
• Ordutegia 10:00-etatik 14:00-etara.
• Baserriko produktuak saltzeko 6-8 karpa jarriko dira

Azokan erosi daitezkeen baserriko produktuak: barazkiak, sagar barietate ezberdinak, intxaurrak, fruitu lehorrak, foie gras, ahate urdaiazpikoa, ahate albondigak eta izterrak, magret, barazki eta fruitu mermeladak, barazki kontserbak, ahuntz gazta, baserriko arrautzak, artisau pastak, baserriko ogia, erroskillak, sagar-tarta, gazta-tarta, euskal pastela.