Lasarte-Oriako Udalak hirigintza-jardueran esku hartzeko ordenantza bat egitea aurreikusten du, obrak eta jarduerak baimentzeko espediente motak arautzeko, lizentzien, aurretiazko komunikazioen edo erantzukizunpeko adierazpenen bidez.

Hasiera batean, aurretiazko komunikazioen edo erantzukizunpeko adierazpenen bidez baimendu daitezkeen hirigintza-jarduera ez oso esanguratsuetarako baimen-izapideak arintzea da helburua.

Kontsulta publikoaren helburua da herritarrek eta eraikuntza-enpresek obrak eta jarduerak baimentzeko moduei buruz duten iritzia jasotzea, bai eta obra eta jarduera horiek gaitzen dituzten tituluak emateko prozedurak arintzea ere.

Besteak beste, egokitzat jotzen da kontsultan parte hartzen duten pertsonek, besteak beste, honako gai hauei erantzutea:

1. Obrak eta jarduerak gaitzeko titulu motak. Lizentzia behar duten hirigintza-jarduerak modu argi eta zehatzean definitzea, erantzukizunpeko adierazpena edo komunikazioa aurkeztuz egin daitezkeenak eta udal-kontrol horietako bati ere atxiki behar ez zaizkion egintzak zeintzuk diren berrestea.
2. Gaitzen duen titulu mota bakoitzeko baimenaren xedea
3. Eskabideekin batera aurkeztu beharreko agiriak
4. Ebazteko epeak

Araudi bat egin aurretik, Udala behartuta dago herritarrei gai horri buruzko kontsulta bat egitera, eta, horregatik, hala uste duten pertsonei beren iritziak edo ekarpenak irailaren 20ra arte udal honetan aurkeztera gonbidatzen zaie.

Nola parte hartu

• Posta elektroniko honen bidez: idazkaria@lasarte-oria.eus
• Udaleko Erregistro Orokorrean
  • Bide elektronikotik
  • Aurrez aurre. Kale Nagusia 22, 9:00etatik 14:00etara.
• Sakatu "Parte hartu zure iritzia emanez" botoia.