Habiaratutako portletak
Aktualitatea
Atzealdea
Kiroldegiko ikastaroak eta jarduerak 2023-2024
Ekainaren 19an zabaldu zen Maialen Chourraut kiroldegian Udalak antolatutako kirol jardueren ikasturte berrirako izen-emateak egiteko epea eta zabalik egongo da eskainitako plazak bete arte. Aukera zabal bat, helduei bezala gazteei ere zuzendua
2023·09·11
Jarduera eta ikastaroak irailaren 18an hasiko dira.
Aurtengo denboraldirako, pasa den denboraldian aurrera eramandakoez gain jarduera berriak eskainiko dira:
- Erditze osteko gimnasia
- Haurdunentzako aretoko jarduera
- Padela gazte eta helduentzat.
- Jumpfit haur eta gazteentzat.
- Total training gazteentzat.
Jarduera ordutegi gehiago aukeran: Aquagym, Pilates, Ziklo Indoor, Kardiofit eta helduen igeriketa talde gehiago.
Abonatuentzako doako kirol zerbitzuak aurten ere emango dira:
- Fitness gelako kirol aholkularitza
- Entrenamenduen gida.
- Streching saioa ostiraletan.
- Igeriketa gida.
Igeriketa eskola
Igeriketa eskolako izen-emateak zabalik jarraitzen dute, sortutako taldeetako plazak bete bitartean. Izen-emateko, kiroldegiko bulegora gerturatu behar da.
Informazio gehiago
https://kirolak.buruntzaldea.eus webgunean, Lasarte-Oriako atalean, kiroldegiko harrera-gunean edo 943376182 telefonora deituz eskuragarri egongo da.
Aurten, kiroldegira abonatuak diren erabiltzaileek, jardueretan online izen-emateko aukera izango dute https://tramiteak.buruntzaldea.eus webgunearen bitartez. Abonatuak ez diren erabiltzaileek, izen-emateak presentzialki egiteko aukera izango dute soilik. Habiaratutako portletak
Web edukia bistaratu