2022-03-16
Pandemia dela eta, atzeratu egin da ibilgailuen gaineko zerga kobratzeko epea, baina apirilaren 19a mantenduko da helbideratutako ordainagiriak kobratzeko.
Atzerapenaren arrazoia da Gipuzkoako Trafiko Buruzagitza Probintzialak udalari jakinarazi ziola, COVID-19aren omikron aldaerak eragindako pandemiaren azken olatuaren ondorioek errolda egiteko beharrezkoa den informazioaren bidalketa atzeratuko zutela.
Atzerapen horren ondorioz, ezinezkoa zen kobratzeko aldia martxoaren 1ean hastea, aurreikusita zegoen bezala. Horregatik, udalak zerga kobratzeko epea atzeratzea erabaki du, martxoaren 14tik maiatzaren 6ra.
Hala ere, ordainagiria helbideratuta duten herritarrek apirilaren 19an ordaintzea aurreikusita dutenez, ordainagiri horiek kobratzeko egun horri eutsiko zaio. Saldorik ez dagoelako kobratzerik ez badago, bigarren sorta bat egingo da maiatzaren 6an.