Eusko Jaurlaritzako Elikadura, Landa Garapen, Nekazaritza eta Arrantza Sailak baieztatu du azken asteotan Patogenizitate Handiko Hegazti Gripearen (H5N1) zenbait foku daudela Euskadiko hainbat tokitan, besteak beste, Lasarte-Orian. Kaltetutako hegaztia, kaio hankahoria, udalerrian atzeman zuten, agintariek lurraldean egin ohi duten jarraipenaren barruan.

Gaixotasunak pertsonen artean kutsatzeko gaitasunik erakutsi ez badu ere, Eusko Jaurlaritzak zaintza aktiboari eusten dio, eta gogorarazi du hegazti basatiek birusaren gordailu natural gisa jokatzen dutela; horregatik, hildako edo gaixorik dauden hegaztiekin, haien gorotzekin edo jariakinekin kontaktu zuzenik ez izatea gomendatzen da.

Lasarte-Oriako Udalak herritarren laguntza eskatu du, eta gogorarazi du garrantzitsua dela animalia basatiak ez elikatzea, bai hegaztiak (usoak, kaioak, txolarreak), bai ugaztunak (katuak). Elikagaia izateak erraztu egiten du leku jakin batzuetan animaliak pilatzea, eta horrek areagotu egiten du gaixotasunak kutsatzeko arriskua, eta hondatu egiten du hiri-garbiketa.

Halaber, prebentzio-neurri erraz batzuk hartu behar dira parkeetatik, lorategietatik edo berdeguneetatik igarotzean:

• Ez hurbildu eta ez manipulatu hildako hegaztiak edo hilzorian daudenak.
• Ez ukitu gorozkiak.
• Basoko hegaztiak ez elikatzea.
• Zaindu maskotak, hildako edo gaixotutako hegaztiak hurbil ez daitezen.
• Aleren bat egoera horretan dagoela ikusiz gero, 112 telefono-zenbakira deitu, eta leku zehatza zein den adierazi, handik segurtasunez atera dadin.

Udalak gogorarazi du neurri horiek funtsezkoak direla pertsonen osasuna eta etxeko animaliena babesteko.

Informazio gehiago eta gomendio ofizialak Eusko Jaurlaritzako Elikadura, Landa Garapen, Nekazaritza eta Arrantza Sailaren webgunean kontsulta daitezke.