2025-05-15
Datorren igandean, maiatzaren 18an, Atsobakarreko udal kiroldegia Gipuzkoako Alebin eta Infantil mailetako Proba Konbinatuen Txapelketaren eszenatoki izango da. Kirol-jardunaldia 9:00etatik 13:00etara egingo da, instalazioa irekita dagoen ohiko ordutegian.
Ordu-tarte horretan, kiroldegia txapelketa egiteko bakarrik erabiliko da, eta, beraz, ez da erabilgarri egongo beste kirol-jarduera batzuetarako. Hala ere, sarrera doakoa izango da oinarrizko atletismoko giroaz gozatzera eta kirolari gazteak animatzera hurbildu nahi duten guztientzat.
Goizalde Pildain Kirol zinegotziak horrelako ekitaldien garrantzia azpimarratu nahi izan du:
“Pozgarria da Lasarte-Oria berriro ere Gipuzkoa mailako eskola lehiaketa baten egoitza izatea. Gazteen artean kirola sustatzeaz gain, horrelako hitzorduek gure instalazioei bizitza ematen laguntzen dute, eta aukera ematen dute herritarrek atletismoak prestakuntzarako eta balioetarako kirol gisa duen potentziala ezagutzeko”.
Gipuzkoako Atletismo Federazioak antolatu du lehiaketa, eta lurraldeko hainbat lekutako dozenaka atleta gazte bilduko ditu. Txapelketaren nondik norakoei buruzko informazio gehiago federazioaren webgune ofizialean kontsulta daiteke:
