2022·03·12
Maialen Chourraut kiroldegiko Squash pistan doako Express Saioak eskainiko dira martxoaren 14tik apirilaren 7ra. Kiroldegiko abonatu zein erabiltzaileek saio hauetan parte hartu ahalko dute prezio gehigarririk ordaindu beharrik gabe.
Saioen deskribapena:
Monitorearen gidaritzapean egingo diren 20 minutuko iraupena duten saio laburrak dira. Bertan, gorputzaren atal ezberdinetako gihardura lantzeko ariketak egingo dira, saio bakoitzean zonalde zehatz bateko gihardura landuz. Ariketak, intentsitate altuko entrenamendu interbalikoan oinarrituko dira, beti ere, ariketen exekuzio egokia lehenetsiz.
- CORE: Gorputz enborreko giharduran zentratuko da.
- BEHE ATALA: Hanken gihardura lantzeko ariketetan zentratuko da.
- GOI ATALA: Bular, sorbalda eta besoetako gihardura lantzeko ariketak egingo dira.
- HIIT ERRONKA: Partaideei indar-erresistentzia erronkak proposatuko zaizkie.
Izen-ematea:
Bi Aukera daude izen emateko:
- Online izen ematea: www.tramiteak.buruntzaldea.eus webgunetik.
- Kiroldegiko harreragunean telefonoz edo presentzialki.
Izen emate bakarra egin ahal izango da aldi bakoitzean. Hurrengo izen-ematea egin ahal izateko, aurreko saioaren epea pasata izan behako da.
Egunak, ordutegia eta lekua:
Express saioak astelehen eta ostegunetan 19:05ean emango dira Maialen Chourraut kiroldegiko Squash pistan, martxoaren 14tik apirilaren 7ra.
Informazio gehiago nahi izanez gero 943-376182 zenbakira deitu.
