2021ko Inauterien gaia aukeratu

Aurten denboran zehar bidaiatu dugu, baina dakizuenez, hau beti itzultzen da! Udalak 2021ko Inauterietarako gaia orain proposatzera gonbidatzen ditu herritarrak..

Hainbeste denbora lehenago egitearekin lortu nahi dena da konpartsek eta herritarrek beta nahikoa izan dezatela datozen inauteritarako mozorroak eta karrozak prestatu ahal izateko.

Iritzia emateko, martxoaren 27a baino lehenago helarazi behar diguzu gaiari buruz duzun proposamena, udaletxean, Kultur-etxean, Gaztelekun eta Polikiroldegian dauden postontzietara. Parte hartzeko orria aurkituko duzu zentro horietan. Udalaren webgunearen bidez ere parte har daiteke.

Proposamen guztien artean egingo da hautaketa. Eragin irudimenari eta parte hartu!