Agustín Valdivia alkatearen presentziarekin, Aterpeako ordezkariek aurkeztu zuten aurten irailaren 2tik 4ra egingo den azoka. 15 dendak denboraldiko produktuen soberakinak eskainiko dizkiete lasarteoriatarrei. Aurten, denda parte-hartzaileak hauek izango dira: Ana gizonezkoen ile-apaindegia, Mabel moda, Deco 75 Textil Hogar, Inés Flores artisautza, Olmi mertzeria, Bazar Abreu, Urruzola Mertzeria, Fernandez Ehunak, Alba Moda, Imagine jantzi-denda, Leder oinetakoak, Arregui elektrizitatea, Iturbe zapata-denda, Mauxa mertzeria eta Dulce Tentación.

Miguel Ángel Prieto Aterpeako presidenteak azaldu zuenez, aurten, aurreko urtean bezala, osasun-krisiaren dela eta ez dela aurreko edizioetan bezala karparik jarriko denden kanpoaldean, baizik eta establezimenduaren beraren barruan edukiko dituztela azokarako produktuak.

Kanpaina honen asmoa ez da azokarako bereziki erositako materiala saltzea, baizik eta gordetako produktua salgai jartzea, denboraldi berriari begira artikulu berriak sartzeko.