aRo-k, (Aroa Lasa Letona) BANOA ,estreinako lan laburra aurkeztu du. Arramazka rock taldearekin ezagutu genion ahotsa, baina urrats propioa bestelakoa du. Kantaera lasai eta goxoarekin ageri zaigu, lehen pertsonan eta nahiko biluzik, pop doinu atseginekin batera. BANOA barruko hainbat korapilo askatzeko ariketa bezala sortu zela dio. Gartxot Unsain Letonarekin batera hezurmamitu du 5 kantuz osatutako EP-a. Bere laguntza izan du lanaren produkzioan eta berarekin jardungo du zuzenekoan ere.