Gipuzkoako Foru Aldundiko Ingurumeneko eta Obra Hidraulikoetarako Departamentuak, Lasarte-Oriako Udalarekin elkarlanean, Gipuzkoa Argitu programaren baitan, elektrizitate-kontsumoari buruzko datua ezagutzeko eskubidea praktikan jarri eta hortik abiatuz erabaki egokiak hartzeko balio duten doako tailerra antolatu du urriaren 30ean, arratsaldeko 6tan, Villa Mirentxun.

Tailer praktikoan parte hartu nahi duten herritarrek, urriaren 28a baino lehen izena ematea beharrezkoa da, saioak aurrera egiteko ezinbestekoa baita aldez aurretik ikasle- kopurua ezagutzea. Horretarako, honako bideak erabil daitezke:

• Posta elektronikoa bidaltzea ondorengo helbidera: edurne@izadi21.eus
• Honako telefono zenbakira deitzea: 628-532-303 (astelehenetik ostiralera, 9:00tatik 17:00etara)
• Beharrezkoa da gutxienez 5 laguneko taldea osatzea.
• Informazio osagarria: www.gipuzkoaingurumena.eus/eu/argitu

Aurrekoaz gain, Lasart-Oriako Udalak, Gipuzkoako Foru Aldundiarekin elkarlanean, beste 2 tailer antolatu ditu:

• Azaroaren 27an: Energia-eraginkortasunari buruzko tailerra (18:30tan Villa Mirentxun)
• Abenduaren 4an: Etxean energia berriztagarriak ezartzeari buruzko tailerrak (18:30tan Villa Mirentxun)

Tailer hauek Gipuzkoa Argitu izeneko programaren baitan kokatzen dira eta bere helburua Gipuzkoako sektore ezberdinei (etxebizitzak, merkataritza, enpresa txikiak, etab.) energiaren kontsumoaren murrizketa lortzea eta eraginkortasuna handitzea da, modu erraz batean. Horretarako, Ingurumen eta Obra Hidraulikoetako Foru Departamentuak baliabide-multzo bat jartzen du lurraldeko eragile ezberdinen eskura; hala nola, aurrez aurreko prestakuntza-saioak, on-line tutorialak, energiaren kontsumoa gutxitzeko eta eraginkortasuna handitzeko gidak, Gipuzkoa Argitu programaren web gunea, eta abar.