Edukira joan
Mostrar/ocultar menú principal de navegación [eu]

Lasarte

Habiaratutako portletak
Aktualitatea
Atzealdea

Ireki da enpresa txikiak sortzeko laguntzetarako epea

Udalak merkataritzaren, ostalaritzaren edo zerbitzu pertsonalen arloan enpresa txikiak sortzeko laguntzen eskaeretarako epea ireki du. Aurten deialdia 40.000 eurokoa da, eta urriaren 31ra arte eskatu ahalko dira laguntzak

2021·07·18

Lasarte-Oriako alkateak,  Agustín Valdiviak, Nuria Fernández sozioekonomiako zinegotziarekin batera, saltoki eta establezimendu berriak eta txikiak sortzen laguntzeko aurtengo dirulaguntzen deialdia aurkeztu zuen.

Valdiviak adierazi zuen Udalaren asmoa dela proiektu berriak abian jarri nahi dituztenak bultzatzea. Izan ere, merkataritzarik gabe ez dago merkataritza-dinamizaziorik. Horrenbestez, dirulaguntza horiek ezinbestekoak dira merkataritza sustatzeko.

Deialdi horretan, laguntza-ildoak ugaritu dira, eta pasa den urteetako ildoetan laguntza-partidak ere bai. Guztira, 40.000 euro bideratuko dira, iaz ez bezala, 15.000 euro soilik bideratu baitziren. Urtetik urtera ekintzaile berrien kopuruaren handitzearen ondorioz egin da aldaketa hori.

Nuria Fernández zinegotziak laguntzen edukia aletu zuen. Laguntza eskatu ahalko dute, merkataritzako jarduera dutelarik, 2020ko azaroaren 1etik Lasarte-Orian merkataritzako, ostalaritzako edo zerbitzu pertsonalen prestazioko enpresa berri bat sortu duten pertsona fisiko nahiz juridikoek, betiere oinarrietan ezarritako baldintzak betetzen badituzte. Aurkezteko epea urriaren 31n amaituko da.

Oinarri hauek jasotzen dituzten laguntzak hiru dirulaguntza ildotan antolatuta daude:

1. LERROA

Laguntza ekonomikoa, merkataritza-jarduera duten eta merkataritza-, ostalaritza- edo zerbitzu pertsonalak emateko enpresa berri bat sortu duten pertsona fisiko edo juridikoentzat.

1. lerro hori bost azpilerroetan banatzen da

1A lerroa: Merkataritza-eragin handieneko eremuan kokatutako establezimenduentzat. Lagundu daitekeen gastuaren %60, gehienez 1.500 euro.

1B lerroa: Gehieneko Merkataritza Inpaktuaren Eremutik kanpo dauden establezimenduentzat: establezimendu eta ostalaritza- eta merkataritza-jarduera gutxien dituzten udalerriko merkataritza-guneak sustatzeko. Lagundu daitekeen gastuaren %80, gehienez 1.800 euro.

1C lerroa: Erretiroa dela-eta negozioa uzten duten pertsonek kudeatzen dituzten establezimenduekin jarraitzeko aukera ematen duten establezimenduetarako. Lagundu daitekeen gastuaren %80, gehienez 1.800 euro.

1D lerroa: Aitortutako desgaitasunen bat duen pertsona bat titular duten establezimenduetan. Lagundu daitekeen gastuaren %80, gehienez 2.500 euro.

1E lerroa: 55 urtetik gorako pertsona bat titular duten establezimenduetan. Lagundu daitekeen gastuaren %80, gehienez 2.500 euro.

2. LERROA

1. lerroan lortutako dirulaguntzarako osagarri bereziak.

2A lerroa: Emakume ekintzaileak. 500 euro.

2B lerroa: 30 urtetik beherako gazteak. 500 euro.

2C lerroa: Luzaroko langabeak (12 hilabete edo gehiago langabezian). 500 euro.

2D lerroa: 0 eta 12 urte bitarteko seme-alabak eta/edo familia-harreran hartutako adingabeak dituzten pertsonak (16 urte, %33ko desgaitasuna edo handiagoa badute), edo mendetasun-egoeran dauden senitartekoak dituztenak, ardurapean badituzte. 500 euro.

3. LERROA

Ekintzailetza sustatzea. Coworking-espazio bat erabiltzeko laguntza.

3A lerroa: Lasarte-Oriako ekintzaileek, udalerrian gutxienez urtebete erroldatuta daramatenek eta ofimatikoki gaitutako espazio bat – Normalean Coworking gisa identifikatua – behar dutenek, hasierako fasean enpresa-proiektu bat eta bideragarritasun-plan bat egiteko, 600 eurora arteko laguntza ekonomikoa eskatu ahal izango dute hautatzen duten Coworkingean plaza baten erabilera ordaintzeko, gehienez ere 6 hilabetez. Laguntzak ezin izango du gainditu aldi horretako erabiltzaile-plazaren guztizko kostuaren % 50, ezta ezarritako 600 euroko gehieneko zenbatekoa ere.

3B lerroa: Proiektua gauzatzen bada jarduera-mota dela-eta Coworkingeko espazioaren erabilerarekin aldi baterako bateragarria den enpresa bat sortuta, laguntza 1.200 eurora arte handitu ahal izango da, gehienez ere 12 hilabeteko iraupenarekin, eta aldi horretan sartuko dira hasierako, azterketako eta plangintzako fasearen 6 hilabeteak eta abian jartzeko ondorengo fasearen 6 hilabeteak. Laguntzak ezin izango du gainditu aldi horretako erabiltzaile-plazaren kostu osoaren % 50, ezta ezarritako gehienekoa ere.

Euskararen erabilera eta sustapena

Hau jasotzen da betekizun gisa: “Establezimenduaren errotulazio nagusiak, establezimenduaren izen bereziaz gain, garatu beharreko jardueraren berri ematen duen hitzen bat duenean, hitz hori, gutxienez, euskaraz jaso beharko da, eta haren grafiak ezin izango du beste hizkuntzei aplikatutakoa baino garrantzi txikiagoa edo nabarmenagoa izan.”

Sozioekonomia Sailak onuradunari Euskara Sailarekin hitzordu bat hitzartzea proposatuko dio, establezimendurako zer zerbitzu eta laguntza jaso ditzakeen argi eta zuzenean jakiteko, eta egokia bada, bere burua trebatzeko.

Sobera den dirulaguntzaren banaketa

Deialdian esleitutako kreditua nahikoa balitz aurkeztutako laguntzei erantzuteko, eman gabeko zenbatekoa hainbanatu egingo da eskatutako dirulaguntzen onuradun guztien artean, aurkeztutako eta onartutako guztizko gastuarekin proportzionala den banaketa-prozedurari jarraituz. Emandako dirulaguntzaren %20 emango zaie gehienez, eta ez da onartuko, inolaz ere, proiektuak neurriz gain finantzatzea.

Finantza daitezkeen gastuak hauek dira:

  1. Enpresa eratzeko gastuak: irekiera-lizentzia, jarduera-lizentzia, negozioa abian jartzeko nahitaezko beste tasa batzuk, notario- eta erregistro-gastuak.
  2. Errentamenduko gastuak, alokairu-kuotak.
  3. Gizarte Segurantzako langile autonomoen araubide bereziko kotizazioaren ordainketari dagozkion kuotak.
  4. Lokala egokitzeko gastuak, altzari, makina edo ekipo tekniko edo informatikoetan inbertitzeko gastuak izan ezik.
  5. Jarduerarekin zuzenean lotutako energia-kontsumoen (argia eta gasa) eta ur-kontsumoen gastuak.
  6. Langileak kontratatzeko gastuak. Nominak eta Gizarte Segurantzako kotizazioak.
  7. Jarduera abian jartzeko eta administrazio-kudeaketa egiteko aholkularitza- eta kudeaketa-gastuak.

Bereziki, laguntzen 3. lerroan: Aukeratutako coworkingaren erabilera-kuotengatiko gastua.

 

Programa honetan aurreikusitako laguntzak ezingo zaizkio diruz lagundutako gastu berengatik jasotako beste ezein laguntzari metatu. Gainera, negozioaren bideragarritasuneko programa bat aurkeztu beharko dute. 

Informazio gehiagorako

 

Oinarriak [pdf]

Lasarte-Orian merkataritzako, ostalaritzako edo zerbitzu pertsonaletakoenpresa txikiak sortzen laguntzeko diru-laguntzak konkurrentzia libreko erregimenean emateko oinarri espezifikoak.


Web edukia bistaratu

COVID-19 mapa. LASARTE-ORIA

Legenda
  Azken 14 egunetako kasuak 100.000 biztanleko
400 kasu edo gehiago
300 eta 399 kasu artean
60 eta 299 kasu artean
60 kasu edo gutxiago
Eraginik gabe edo 5.000 biztanle baino gutxiago udalerrian
 

 

*Datuen jatorria: OpenData Euskadi

**14 eguneko tasa 100.000 biztanleko. Tasak kalkulatzeko EUSTATen Biztanleen Udal-Erroldaren Estatistikan 2020ko urtarrilaren 1erako argitaratutako biztanleria hartzen da.