2021·12·02

Osoko bilkura udalaren webgunearen bidez jarraitu ahalko dute herritarrek, lehen egin ohi zen bezala.

Gainera, gai-zerrendakoak amaitutakoan herritarrei parte hartzeko aukera emango zaie berriro. Batzar-aretoaren aforoa nabarmen murriztu denez gero, aretoan bertan egotea eragotziz, hitza hartu nahi duten pertsonek idatziz eskatu beharko dute udaletxeko erregistroan, edo, bestela, eskaera-orria beteta bidali beharko dute honako helbide honetara: erregistroa@lasarte-oria.eus. Parte-hartzaileei udalbatzarrean parte hartzeko jarraibideak adieraziko zaizkie.

Udalbatzarraren gai-zerrenda honako hau da:

1. 2021eko urriaren 27an, azaroaren 4an eta azaroaren 11an ospatutako udalbatzarren akten onarpena

2. Planeamenduko Arau Subsidiarioetako Arau Orokorretako 2.9 artikuluko a3.1 lurzatien erabilera-araubidearen antolamendu xehatua behin betiko onartzea

3. Ordenantza fiskalak: orain arte aurkeztutako alegazioak.

4. Hiri-lurren gehikuntzaren gaineko zerga arautzen duen 2. ordenantza fiskala aldatzeko proposamena

5. 2021eko aurrekontuko hainbat inbertsio finantzatzeko mailegua hitzartzeko proposamena.

6. EH BILDU eta ELOP udal taldeek aurkeztutako mozio bateratua: “Interes publiko goreneko proiektuen erregulazio berria”-ri buruzkoa

7. Galdera eta erreguak.