Edukira joan

Webgunearen titulo eta logoa

Mostrar/ocultar men� principal de navegaci�n [eu]

Barruko horrien irudia

Lasarte

Aplikazio habiaratuak

Menu prensa

Aplikazio habiaratuak

Aktualitatea

Atzealdea 2025eko egutegirako argazki lehiaketa urriaren 25ean amaituko da. Parte hartu!

2024-09-13

“Lasarte-Oria zure objektiboan” 2025eko egutegiko irudiak aukeratzeko argazki-lehiaketa da. Urriaren 25a, argazkiak entregatzeko azken eguna.

Lehiaketa honekin, proposatzen da lasarteoriatarrek aurkez ditzatela 2025ko egutegia osatuko duten argazkiak. Udalerriko herritarrek eta herritarrentzat egindako egutegia.

Argazkiaren gaia norberaren aukerakoa izango da, baina udalerriko espazioren bat islatu behar du, herrian egindako jardueraren bat… azken batean, Lasarte-Oriaren adierazgarri den alderdiren bat.

Parte-hartzaile bakoitzak 3 argazki aurkeztu ahalko ditu gehienez, eta argazki horietan adierazi beharko du urteko zein hilabeteri dagokion bakoitza.

Argazkiek jatorrizkoak eta argitaragabeak izan behar dute, horizontalean atereak eta bereizmen handikoak, eta zuri-beltzean edo koloreetan izan daitezke. Udalari erregistro munizipalaren bidez helarazi beharko zaizkio, nahiz telematikoki, nahiz presentzialki; baina kasu horretan irudiak euskarri elektronikoan aurkeztu beharko dituzte.

Ez da onartuko indarkeria bultzatzen duen argazkirik, ez gai politikorik, ez sexu-diskriminazioa sustatzen duen adierazpenik.

Entregatzeko epea aurtengo urriaren 25an amaituko da.

Sariak erosketa-bonuak izango dira, udalerriko establezimenduetan trukatzeko: 100 eurokoak izango dira hautatutako argazki bakoitzeko, eta 150 eurokoa irabazle gisa hautatutako argazkiarentzat, zeina portadan izango baita gainera.

“Lasarte-Oria zure objektiboan” irabazi-asmorik gabeko ekimena da, eta, beraz, irudi horiek ez dute inolako erabilera komertzialik izango. Saritutako lanak Udalaren jabetzakoak bihurtuko dira, nahi duenean erabiltzeko, baina betiere egilearen izena agertuko da.

Argazkiek errespetatu egin beharko dituzte haietan agertzen diren pertsonen irudi-eskubideak.

 

Oinarriak deskargatu

Oinarriak [pdf]

 

Diptikoa deskargatu

Diptikoa [pdf]