Udalak 2024ko udal-bonuen kanpainarekin bat egin nahi duten establezimenduei eskatu die aurkez dezatela eskaera ofiziala Udaleko Erregistroan. Irailaren 13an itxiko da izena emateko epea
2024·09·09
Ezinbesteko izapide hori aurrez aurre (9:00etatik 14:00etara) edo telematikoki egin ahal izango da, udalaren webgunean agertzen den egoitza elektronikoaren bidez (www.lasarte-oria.eus).
Aurkeztu beharreko dokumentazioa:
- I. eranskina. Atxikitzeko eskabidea.
- II. eranskina. Betekizunei buruzko zinpeko aitorpena.
- NANaren kopia (pertsona fisikoak)
- IFZren kopia (pertsona juridikoak-enpresak)
- Ordainketak sartzeko Kontu Arruntaren titulartasun-ziurtagiria.
- Obligazio fiskalen eta Segurantza Sozialarekiko obligazioen pagamenduan egunera dagoela egiaztatzen duen ziurtagiria.
Oinarriak esteka honen bidez eskura daitezke: oinarriak.