Aurreikusitako ekintzak honako hauek dira:

• 11:00etan, meza Ama Brigitarren komentuan.
• 12:00etan, Erketz EDTko dantzarien saioa Santa Ana karkaban.
• 18:30ean, parodian parte hartuko duten aktoreen desfilea, Jalgitik abiatuta.
• 20:00etan, parodia, Okendo plazan.

Memoria historikoaren alde lan egiten duen Islada Ezkutatuak elkarteari omenaldia egingo diote Santa Ana ospakizunen antolatzaileek -Ttakun Kultur Elkarteak eta Lasarte-Oriako Udalak-, ekitaldia hasi aurretik. Kideek oroigarri bat jasoko dute eta Lierni Rekondo lasarteoriatarrak bertso batzuk abestuko dizkie.

Antzezlanaren gidoia Pablo Barriok eta Juan Luis Eizmendik idatzi dute eta 50 aktore amateur inguru izango ditu.

Entseguak irekiak dira eta interesa duen edonor animatu daiteke parte hartzera. 18:00etatik 20:00etara egiten ari dira kultur etxean, hilaren 24ra arte, asteburuan izan ezik.

Parte hartu nahi dutenek Ttakun KErekin harremanetan jarri behar dute Geltoki kaleko 4. zenbakiko bulegora joanez 9:00etatik 15:00etara (astelehen goizean itxita), kultura@ttakun.eus helbidera idatziz edo 695 78 53 89 zenbakira WhatsApp mezu bat bidaliz.

Kartela