2026ko Inauterien gaia aukeratu

Udalak 2026ko Inauterietarako gaia orain proposatzera gonbidatzen ditu herritarrak.

Prozesu honen helburua da herritarrek berek erabakitzea gaia; horregatik bi fase izango dituen partaidetza-prozesu bat egingo da.

Fase honetan, herritarrek nahi dituzten gai guztiak proposatuko dituzte.

Nola parte hartu

• "Parte hartu zure iritzia emanez" botoia sakatuz.
• Etxebizitza bakoitzean postontzietan sartu diren txartelen bidez proposatu ahalko dituzte, eta dauden partaidetza-buzoietan utzi.

Proposamenak bidaltzeko epea irailaren 11tik 26ra bitartekoa da.

Behin proposamen guztiak bildutakoan, konpartsek 5 gai hautatuko dituzte.

Fase honetan, herritarrek konpartsek hautatutako 5 gai horien artean bat aukeratu beharko dute, eta bozkatuena 2026an Lasarte-Oria mozorrotuko duen gaia izango da.

Bigarren fase honetan parte hartzeko modua lehen fasekoaren antzekoa da, eta alde bakarra da ez dela txartel berririk banatuko postontzietan, baizik eta partaidetza-buzoien ondoan egongo direla eskuragarri.

Nola parte hartu

• "Parte hartu zure iritzia emanez" botoia sakatuz.
• Herritarrek parte hartzeko postontzien ondoan egongo diren partaidetza-txartelekin.

OHARRA: Fase honetan pertsona bakoitzak boto bakarra eman ahal izango du; beraz, NANa adierazi beharko da. Ez da onartuko NANa adierazi ez duen botorik.

• Emakumearen zentroa
• Kultur etxea
• Gazteleku
• Udala (Udaletxe zaharreko arkupetan)
• Maialen Chourraut kiroldegia

Animatu eta parte hartu!