Agustin Valdivia alkateak, Estitxu Alkorta Euskara zinegotziak eta Arkaitz Illarramendi Ttakun Kultur Elkarteko ordezkariak aurkeztu dute 2025eko Euskal Jaiaren egitaraua. Jaia urriaren 18an izango da, 12 orduko egitarauarekin: musika, azoka, dantzak, bakarrizketak, herri bazkaria eta Gozategiren azken kontzertua.

Lasarte-Oriako Udalak eta Ttakun Kultur Elkarteak antolatu dute jardunaldia, tokiko eragile ugariren inplikazioarekin, eta euskararen alde egindako lana aitortzeko ekitaldi bat ere izango da.