Lasarte-Oriako Udalak oso balorazio positiboa egin du Euskal Jaiaren 2025eko edizioaz. Urriaren 18an ospatu zen, eta 250 pertsona baino gehiago inplikatu ziren. Agustin Valdivia alkateak, Estitxu Alkorta zinegotziak eta Ttakun Kultur Elkarteak elkarte sarearen inplikazioa eta giro parte-hartzailea azpimarratu dituzte. Festak datozen urteetan jarraipena izango duela baieztatu dute. Ekitaldi arrakastatsuenen artean: emakume ekoizleen azoka, zikiro-jana, eta Gozategiren azken kontzertua.