"Mi 3er acto" menopausiarekin batera sortzen den eraldaketa ospatzen duen emakume baten lan unipertsonala da. Umoretik eraikitako begirada propioa, epopeia tragikomikoa, hirugarren adinera begira jarritako bidaiaren hasiera. Emakumearen bizitzako hirugarren zatia. Aktoresa baten Backe Stage deituko dioguna. 57 urteko emakume batek kamerino barnetik azalduko dizkigu bere hausnarketa pertsonal eta intimoak, emakume, pertsona nagusi eta artista gisa bizitzen hasi den hirugarren etapa horren inguruan.