Lasarte-Oriako Udalak, Kultura Sailaren bitartez, “Lurdes Iriondo, ez gera alferrik pasako” dokumentalaren proiekzioa aurkeztu du, Lurdes Iriondoren figura eta legatu artistikoa ezagutzera emateko. Lurdes Iriondo euskal kulturaren historia hurbilean eragin handiena izan duen emakumeetako bat da.

Aurkezpenean, Manuel Lekuona Kultur Etxean, Kulturako zinegotzi Ainara Elicecheak eta dokumentalaren zuzendari Inge Mendioroz lasarteoriatarrak parte hartu du, eta partekatu ditu artxiboko materiala, elkarrizketak eta testigantza pertsonalak konbinatzen dituen lanaren gakoak, artistaren erretratu intimo eta sakona egiteko.

Aurkezpenean, Elicecheak garai bat markatu zuten emakume-figurak balioan jartzen dituzten kultura-proiektuak tokiko publikoari hurbiltzearen garrantzia nabarmendu zuen:

“Lurdes Iriondo emakume ausarta eta konprometitua izan zen, eta bere ahotsarekin euskal musika eraldatzen eta euskara sorkuntza eta adierazpen hizkuntza gisa aldarrikatzen lagundu zuen. Dokumental hau ere omenaldia da, berak bezala gure herriko kulturan bideak ireki zituzten emakume guztiei”.

Inge Mendioroz zuzendariak eta Idoia Garzes gidoilariak sortutako dokumentalak emozioa, identitatea eta konpromiso soziala uztartzen jakin zuen artista aitzindariaren ibilbidea deskubritzera gonbidatzen du. Argitaratu gabeko irudien eta gertuko lekukotasunen bidez, “Lurdes Iriondo, ez gera alferrik pasako” lanak euskal kulturaren historia hurbilean ezinbestekoa den figuraren gaineko begirada zintzo eta gaurkotua eskaintzen du.

Emanaldiak, jatorrizko bertsioan gaztelaniazko azpitituluekin (JBGA/VOSC), Manuel Lekuona auditorioan izango dira.

Proiekzio data eta lekua:

• Azaroak 21, ostirala – 19:30 eta azaroak 23, igandea – 19:30
• Manuel Lekuona Kultur Etxea Auditorioa
• Jatorrizko bertsioa gaztelaniazko azpitituluekin (JBGA/VOSC)
• Sarrera 6€