Edukira joan
Mostrar/ocultar menú principal de navegación [eu]

Lasarte

Habiaratutako portletak
Aktualitatea
Atzealdea

“Birziklatzearen Erronka”: birziklatzearen inguruan kontzientziatzeko kanpaina

Udalak kanpaina bat jarri du abian, herritarrak gure hondakinak birziklatzearen beharraz kontzientziatzeko. Gure egungo birziklatze-tasa handitzea ahalbidetuko duten ohiturak aldatu nahi dira.

2021·11·03

Lasarte-Oriako alkateak, Agustin Valdiviak, eta Herritarren Partaidetzarako zinegotziak, Nagore Duranek, Birziklatzearen Erronka kanpaina aurkeztu zuten, birziklatzearen arloan gaur egun egiten ditugun ahaleginak biderkatzearen aldeko apustua.

Valdiviak adierazi zuen kanpainak galdera hauei erantzun nahi diela: Zer da guretzat birziklatzea eta zein da herritar arduratsuen jarrera?, Zergatik herritarren ehuneko handi batek ez du birziklatzen?, Zer egin daiteke birziklatze-tasa hobetzeko?...

Kanpainaren bidez, herritarrek birziklatzeko zer zailtasun dituzten jakin nahi du Udalak. Kasu praktikoen berri emateaz gain, birziklatzearen atalak behar bezala bereizteko moduaren berri eman nahi du.

Nagore Duranek, bere aldetik, kanpaina nola garatuko den azaldu zuen.  Hainbat tailer parte-hartzaile egingo dira, 8 guztira: 4 tailerrek biztanleriaren sektore jakin batzuk izango dituzte xede, eta beste 4 tailerrek, berriz, herritar guztiak.

Herritar guztiei irekitako tailerretan parte hartzeko, izena eman behar da 943.670.637 telefonora deituz edo esteka honen edo karteleko QR kodearen bidez eskura daitekeen formularioaren bidez. Hauek izango dira tailerrak:

  • Azaroaren 15ean, astelehenean, Antonio Mercero Gunean, 18: 30etik 20: 30era (euskaraz).
  • Azaroaren 22an, astelehenean, Kultur Etxeko hitzaldi aretoan 18:30etik 20:30era (gaztelaniaz).
  • Azaroaren 23an, asteartean, Villa Mirentxun, 18:00etatik 20:00etara (euskaraz).
  • Azaroaren 24an, asteazkenean, Kultur Etxeko hitzaldi aretoan 18:30etik 20:30era (gaztelaniaz).

Gainera, tailer bat egingo da 16 eta 20 urte bitarteko gazteentzat, bat 21 eta 30 urte bitarteko gazteentzat eta bi 65 urtetik gorakoentzat. Tailerren ondoren, memoria bat bidaliko zaie parte-hartzaileei.

Era berean, bi bisita egingo dira Urnietako birziklatze-tratamenduko instalaziora, betiere osasun-egoeraren ondorioz irekita badaude.

Artelatzeko Maitane Zaldibarrek, kanpainaren enpresa esleipendunak, nabarmendu zuen beharrezkoa dela tailerretan parte hartzen duten pertsonek ondo birziklatzeko eta gure birziklatzeko erantzukizunari buruz hausnartzea. Beste helburu bat da ez birziklatzea justifikatzeko baliatzen ditugun mitoak haustea. Tailerrek bi alderdi izango dituzte: alde batetik, birziklatzeko moduari buruzko prestakuntza; eta bestetik, pertsona eta kolektibo gisa zer egin dezakegun hausnartzea.

Kanpainaren kostua 17.828 eurokoa da.


Web edukia bistaratu

COVID-19 mapa. LASARTE-ORIA

Legenda
  Azken 14 egunetako kasuak 100.000 biztanleko
400 kasu edo gehiago
300 eta 399 kasu artean
60 eta 299 kasu artean
60 kasu edo gutxiago
Eraginik gabe edo 5.000 biztanle baino gutxiago udalerrian
 

 

*Datuen jatorria: OpenData Euskadi

**14 eguneko tasa 100.000 biztanleko. Tasak kalkulatzeko EUSTATen Biztanleen Udal-Erroldaren Estatistikan 2020ko urtarrilaren 1erako argitaratutako biztanleria hartzen da.