Kanpaina honek 3 aste irauten du urriaren 17tik azaroaren 6ra, eta Aterpearen urre-ferra establezimenduetako erakusleihoetan bilatzean datza, erakusgai egongo baita bertan.

Jokoa ferra horren bila joatea da, argazkia ateratzea eta sare sozialetara igotzea (facebook eta/edo instagram), betiere  Aterpea eta bi lagun etiketatuz.

Kontuan izan behar da sare sozialak modu publikoan irekita egon behar duela, bestela, Aterpeak ezin izango dio parte-hartzaileari erantzun. Eta gainera, argazkiak adierazitako daten barruan igo behar dira.

Argazki guztien artean 2.000 euro zozkatuko dira txarteletan, parte hartzen duten establezimenduetan gastatzeko.

Kanpainak 3 aste irauten duenez, atxikitako saltokiak 3 taldetan banatuko dira. Talde bakoitzean hainbat establezimendu egongo dira, eta horien artean urre-ferra bilatuko da.

Parte hartzeko oinarriak QR kodearen bidez edo www.aterpea.es/ferrarenbila estekan kontsulta daitezke.