Edukira joan
Mostrar/ocultar menú principal de navegación [eu]

Lasarte

Habiaratutako portletak
Aktualitatea
Atzealdea

Udalak minutu bateko isilunea gorde du COVID-19 gaitzak hildako pertsonengatik

Dolu ofizialaren deklarazioaren arabera, Udalak minutu bateko isilunea egin du COVID-19aren kausaz hildako pertsonen oroitzapenez.

2020·05·27

Udalbatzako kideak, udaleko langileak eta zenbait lasarteoriatar elkarretaratu dira 12:00etan, hildakoei eta haien familiarteko eta adiskideei beren errespetua agertzeko. Minutu bateko isilunearen ondoren, bildutako pertsonak txaloka hasi dira, elkarretaratzeari bukaera emanez.

Bestalde, Aterpeak, Lasarte-Oriako Merkatari, Ostalari eta Zerbitzuen Elkarteak, elkartasunezko mezua helarazi nahi die COVID-19aren krisian zehar hildako pertsonen familiartekoei eta adiskideei. Biktimen oroitzapenarekiko errespetu handi baten erakusgarri, dolu-xingola beltz bat jarriko dute beren establezimenduetako sarrerako ateetan.

Ministroen Kontseiluak onetsi zuen COVID-19 pandemiaren ondorioz hildakoen omenez dolu ofiziala deklaratzen duen errege-dekretua.

Dolu-aldia maiatzaren 27ko 00:00etatik ekainaren 6ko 00:00etara bitartean izango da, eta epe horretan, errege-dekretuak ezartzen duen bezala, banderek haga erdian jarrita egon beharko dute eraikin publiko guztien kanpoaldean.

Gainera, gaur, asteazkenarekin, goizeko 12etan minutu bateko isilunea egin da hildakoen oroitzapenetan. Isilunea orokorra izan da, herrialde osora zabaldua, eta Espainiako organo eta instituzio publiko eta pribatu guztiak egon dira deituak bat egitera, lurralde nazionalean bezala atzerrian ere, eta oso bereziki herritar guztiak, zeuden tokian zeudela, errespetu handiko ekintza moduan, hildakoen oroimenezko isiltasunezko minutu horretan herrialde osoan jarduera geldituz.


Web edukia bistaratu

COVID-19 mapa. LASARTE-ORIA

Legenda
  Azken 14 egunetako kasuak 100.000 biztanleko
400 kasu edo gehiago
300 eta 399 kasu artean
60 eta 299 kasu artean
60 kasu edo gutxiago
Eraginik gabe edo 5.000 biztanle baino gutxiago udalerrian
 

 

*Datuen jatorria: OpenData Euskadi

**14 eguneko tasa 100.000 biztanleko. Tasak kalkulatzeko EUSTATen Biztanleen Udal-Erroldaren Estatistikan 2020ko urtarrilaren 1erako argitaratutako biztanleria hartzen da.