Edukira joan
Mostrar/ocultar menú principal de navegación [eu]

Lasarte

Habiaratutako portletak
Aktualitatea
Atzealdea

Trukelandia

Lasarte-Oriako gurasoen artean euskarazko hizkuntza-ohiturak indartzeko Joan den igandean, martxoaren 7an, 12:00etan, Trukelandia ekimena aurkeztu zitzaien Lasarte-Oriako Manuel Lekuona Kultur Etxean Gurasolandia ekimeneko gurasoei

2021·03·12

(Txintxarrik utzitako argazkia)

Gurasolandia 0 eta 5 urte bitarteko haurra duten gurasoei eskaintzen zaie eta guraso eta haurren arteko euskarazko hizkuntza-ohiturak sustatzea du helburu, horretarako aisiako eskaintza erakargarria eskainiz.

Egitasmoa herriko bi ikastetxeen, guraso-elkarteen, haurreskolaren, Muntteri-AEK euskaltegiaren, Ttakun Kultur Elkartearen eta Lasarte-Oriako Udalaren elkarlanean oinarritzen da.

Igandeko saioan Porrotx pailazoa eta Maitane Rebe hezitzailea izan ziren saioaren gidariak, Josu Txapartegi “Txapas” oholtzan lagun zutela. Bertaratutakoei Gurasolandia zer den gogorarazi zieten, urtean zehar egindako argazkiak proiektatuz, eta beste egitasmo baten berri eman zitzaien, Trukelandiaren berri, hain zuzen.

Trukelandia egitasmoaren bidez, GurasoLandian dabiltzan gurasoei elkarrekin biltzeko beste aukera bat eskaini nahi izan zaie. Familiak hiru-lau familiko talde txikitan bilduko dira eta era askotako ezagutzak elkartrukatuko dituzte: abestiak, errezetak, jokoak… bakoitzak nahi duena. Taldeak hilean behin elkartuko dira modu autonomoan, Gurasolandiako hitzordua baino bi aste geroago.

Helburua da gurasoek eta haurrek beren aisialdian euskaraz aritzeko beste eremu batzuk sortzea, eta bide batez, familien arteko harremanetan euskara harreman-hizkuntza izatea gero eta gehiago.

Trukelandian parte hartzeko, ezinbestekoa da Gurasolandian izena emanda egotea eta euskaraz ulertzea. Informazio gehiago nahi izanez gero, idatzi ttakun@ttakun.eus helbidera edo deitu 943 366 858 telefonora.


Web edukia bistaratu

COVID-19 mapa. LASARTE-ORIA

Legenda
  Azken 14 egunetako kasuak 100.000 biztanleko
400 kasu edo gehiago
300 eta 399 kasu artean
60 eta 299 kasu artean
60 kasu edo gutxiago
Eraginik gabe edo 5.000 biztanle baino gutxiago udalerrian
 

 

*Datuen jatorria: OpenData Euskadi

**14 eguneko tasa 100.000 biztanleko. Tasak kalkulatzeko EUSTATen Biztanleen Udal-Erroldaren Estatistikan 2020ko urtarrilaren 1erako argitaratutako biztanleria hartzen da.