2020·07·20

Pandemiarengatik ezarritako osasun-neurriak bermatzearren, Ttakun Kultur Elkarteak antolatu ohi duen Santa Ana eguneko parodia tradizionala lekuz aldatuko da, eta aurten Kulturetxeko auditorioan egingo da.

Sar daitezkeenen kopurua mugatua denez gero, aurten streaming bidez transmitituko da, esteka honen bitartez edo udal web-orriaren bidez:

Santa Ana eguneko parodia

Zuzenean ikusi ahal izateko, gonbidapena eduki beharko da, aforoa 188 lagunentzat mugatua baitago. Gonbidapenak whatsapp bidez eska daitezke 695785389 telefonoan, edo posta elektronikoz kultura@ttakun.eus helbidera idatzita.

Gonbidapenak uztailaren 22an zozkatuko dira, eta gehienez bi emango dira pertsona bakoitzeko. Sarrera lortu dutenek uztailaren 23an jaso ahalko dute, 16:00etatik 18:00etara bitartean, Kulturetxeko leihatilan.

Usadioa denez, Brigitarren komentuan 11:00etan egingo den mezaren ondoren, 12:00etan Erketz taldeak agurra dantzatuko du Santa Ana karkaban.