2019·05·15

Real Sociedadek Erreginaren Kopako garaipena ospatzeko antolatu duen karabana Lasarte-Oriatik igaroko da ostegunean 18:30ean. Autobusa Okendo plazan utzi ondoren, jokalariak eta zuzendaritzako taldea udaletxeko batzar-aretora joango dira, eta han harrera egingo diote alkateak eta udalbatzak.

Ekitaldi horretan aitormen berezia egingo zaio Realeko jokalaria den Iraia Iparragirre lasarteoriatarrari, 2018an urteko kirolaria izan berria denari.

Ekitaldia amaitutakoan, jokalariak eta zuzendaritzako taldea udaletxeko balkoira aterako dira, Lasarte-Oriako herritarren omenaldia jasotzeko.

Mundu guztia animatzen dugu Okendo plazara joatera, han jokalariak omentzeko.