Edukira joan
Mostrar/ocultar menú principal de navegación [eu]

Lasarte

Habiaratutako portletak
Aktualitatea
Atzealdea

Programazio zabala Zaharren Omenaldirako

2019ko Zaharren Omenaldia urriaren 1etik 8ra bitartean egingo da, jarduera-kopuru handi batekin. Astearen barruan, ohiko bazkari herrikoia egingo da frontoian, igande 6an

2019·09·23

Jesus Zaballos alkateak eta Lourdes Acevedo arloko zinegotziak, Jubilatuen Elkarteko Adela Manso eta Exiquio Pérez ordezkariekin batera, aurtengo omenaldiko ekitaldiak aurkeztu zituzten. Astea urriaren 1ean 16:00etan zabalduko da elkartean bertan, bandera igotzearekin eta trikitiarekin.

Irekitzeko ekitaldiaren ondoren hasiko dira tokako, igeleko eta poteko lehiaketak Isla Plazan, eta bingo-saio batekin amaituko da eguna 18:30ean elkartean.

Urriaren 2an, asteazkenarekin, 11:00etan, Elkarteak gimnasia-erakustaldi bat egingo gu Maialen Chorraut Kiroldegi Munizipalean. Eta 19:00etan, Kulturetxean, “Sex o no sex” obra eskainiko du Virginia Imazek.

Ostiral 4an, 11:00etan, “Ondo ibili” pasieren jarduera herrian barrena ibiliko da. 17:00etan, Okendo plazan, lerroko dantza, eta 19:00etan, Kulturetxean, Dúo Imperial-en emanaldia.

Larunbat 5ean, goizean, VIII. Ibilaldi Neurtua egingo da, Okendo plazatik 9:30ean abiatuta. Eta arratsaldean, 18:30ean, Biyak Bat elkarteko koruak eta Eibarko Unzaga koruak Brigitarren komentuan eskainiko duten kontzertuaren txanda izango da.

Igandea, urriak 6, mezarekin hasiko da San Pedro elizan 11:00etan. Kulturetxean, 12:30ean, Biyak Bat koruaren kontzertua eta dantza-jaialdia Amaiaren eta haren taldearen eskutik. Eguna amaitzeko, ohiko bazkari herrikoia egingo da Michelingo frontoian, Azabache taldeak girotuta. 

Aurten, berritasun gisa, eta kulturetxea berritu ondoren hango aforoa gutxitu denez gero, aldez aurretik jaso ahal izan dira jaialdi horretarako sarrerak Lasarte-Oriako Adineko Pertsonen Etxean. Era berean, urriaren 6ko igande horretarako, sarrerak lortu ahalko dira (gehienez 2 pertsona bakoitzak) 11:30etik aurrera Manuel Lekuona Kulturetxean.

Omenaldiko astea astearte 8an amaituko da. Goizean kalejira herrian zehar, meza Brigitarrenean eta bazkideen Urrezko Ezteiak elkartean. Ondoren, omenduekin bazkaria eta dantza-saioa egingo da Abend jatetxean.


Web edukia bistaratu

COVID-19 mapa. LASARTE-ORIA

Legenda
  Azken 14 egunetako kasuak 100.000 biztanleko
400 kasu edo gehiago
300 eta 399 kasu artean
60 eta 299 kasu artean
60 kasu edo gutxiago
Eraginik gabe edo 5.000 biztanle baino gutxiago udalerrian
 

 

*Datuen jatorria: OpenData Euskadi

**14 eguneko tasa 100.000 biztanleko. Tasak kalkulatzeko EUSTATen Biztanleen Udal-Erroldaren Estatistikan 2020ko urtarrilaren 1erako argitaratutako biztanleria hartzen da.