Edukira joan
Mostrar/ocultar menú principal de navegación [eu]

Lasarte

Habiaratutako portletak
Aktualitatea
Atzealdea

Memoria partekatuaren eguna ospatzen du Udalbatzarrak

Lasarte-Oriako Udalak ospatu du gaur memoriaren eguna ekitaldi xume baten bidez. Talde guztien adierazpen bateratua irakurri ondoren, lore-eskaintza egin da eta 5 minututako isilaldia.

2020·11·10

MEMORIA PARTEKATU BATERANTZ

Gaur, azaroak 10, Memoriaren Eguna, Lasarte-Oriako bizikidetzaren aldeko mahaiak, Udalean ordezkaritza politikoa duten alderdi guztietako kideek osatzen dutenak, terrorismoaren eta motibazio politikoko beste edozein motatako indarkeriaren biktimak gogorarazi nahi ditu, eta haien memoria ekarri, ahanzturan eror ez daitezen, eta egiarako, justiziarako, erreparaziorako eta errekonozimendurako eskubidearen eta horiek guztiak berriz ez errepikatzearen alde lan egiten jarraitzeko konpromisoan mantendu nahi du.

Bere iraganeko akatsak ahazten dituen gizarte batek berriro errepikatzeko arriskua duelako. Horregatik, Lasarte-Oriako Udaletik, bere barruan eratutako Bizikidetzaren Mahaiaren eta herritar-taldearen lanaren aldeko apustua egiten jarraitzen dugu, beharrezkoa den lan bat egiten segitzen baitu, diskrezioz baina modu jarraituan. Era berean, Lasarte-Orian memoria-politika bat lantzen eta sakontzen jarraitzeko hartua dugun konpromisoa berresten dugu, beren duintasuna bidegabeki urratu zieten biktima guztien errekonozimendua eta erreparazioa sustatzeko, bai eta bidegabekeria horiek errepikatuko ez direla bermatzeko ere.

Izan ere, giza eskubideen urraketaren modu guztiak gaitzestetik abiatuta, memoriak elkarganatzeko eta eztabaidarako guneak sustatu behar ditu, errespetutik abiatuta eta guztiok egiaren parte bat dugula jakinda memoria partekatu bat eraiki ahal izan dezagun, gizarte gisa hobeak egingo gaituena eta terrorismoaren eta motibazio politikoarekin erabilitako indarkeriaren biktima guztiak errespetatuko dituena.

Web edukia bistaratu

COVID-19 mapa. LASARTE-ORIA

Legenda
  Azken 14 egunetako kasuak 100.000 biztanleko
400 kasu edo gehiago
300 eta 399 kasu artean
60 eta 299 kasu artean
60 kasu edo gutxiago
Eraginik gabe edo 5.000 biztanle baino gutxiago udalerrian
 

 

*Datuen jatorria: OpenData Euskadi

**14 eguneko tasa 100.000 biztanleko. Tasak kalkulatzeko EUSTATen Biztanleen Udal-Erroldaren Estatistikan 2020ko urtarrilaren 1erako argitaratutako biztanleria hartzen da.