Edukira joan
Mostrar/ocultar menú principal de navegación [eu]

Lasarte

Habiaratutako portletak
Aktualitatea
Atzealdea

Lizitazioan da herriaren parte handi bat asfaltatzeko kanpaina

Lasarte-Oria asfaltatzeko kanpaina berria martxan da. Abiatu da garrantzizko kontratazio honen lizitazioa, gure herriko bide publikoen parte handi batean asfaltoa berrituko duena.

2018·08·08

Lizitazioko prezioa 1.537.390 eurokoa da, eta asfaltatu beharreko bideen zerrenda planteatzen du. Gainera, eskaintza hobetzeko aukera sartu da, beste zona batzuk asfaltatzeko m²-en poltsa baten bitartez. Udalak erabakiko luke etorkizunean zer asfaltatu, beharren arabera. Lanak burutzeko epea 103 egunekoa da.

Horrez gain, lasarteoriatarrentzako molestiak gutxitzeko obligazioa ezartzen zaio kontratistari, errei bat beti zirkulatzeko moduan utzi beharko baitu hori posible den guztietan, eta halaber ezartzen zaio zenbait bide publiko gaueko orduetan egin beharko dituela, Lasarte-Oriarentzat edo auzo jakin batzuentzat zirkulazioan duten zentraltasunagatik.

Hauek dira asfaltatuko diren bideak,:

  • ZELAIALDE-ITURRIGOXO                  76.436 €
  • TXARTEL                                          86.951 €
  • ARRANBIDE                                     88.787 €
  • BLAS DE LEZO                                65.230 €
  • DONOSTIA ETORBIDEA                   46.382 €
  • ANTXOTA                                         28.280 €
  • BURUNTZA                                      37.746 €
  • ZIRKUITU IB.-ORIA ET.                    231.653 €
  • GOIEGI                                             60.689 €
  • ATSOBAKAR-ASTEASUAIN             336.050 €
  • ANTXISU                                          41.592 €
  • SAN FRANCISCO                          167.652 €
  • GOIKALE                                         38.651 €
  • LANDABERRI                                   24.870 €
  • AURREIKUSIGABEAK                       17.359 €

Kale bakoitzeko kostuez gain, kontratazioan sartu dira, egin beharreko obren ezaugarriengatik, beste kontu-sail hauek ere:

  • KALITATEAREN KONTROLA             20.523 €
  • HONDAKINEN KUDEAKETA           104.609 €
  • SEGURTASUNA / OSASUNA           63.933 €

Asfaltatzeko kanpaina berriz ere lizitaziora aterako da, aurreko lehiaketa esleitu gabe geratu baitzen enpresarik aurkeztu ez zelako. Horren arrazoia lehengaien kostuaren gehikuntza handia izan zen, petrolioaren igoeragatik. Oraingo honetan, lizitazioko prezioa merkatuaren gaur egungo egoerara doitu da.