Edukira joan
Mostrar/ocultar menú principal de navegación [eu]

Lasarte

Habiaratutako portletak
Prozesu partehartzaileak

Kiroldegi berria: urriaren 7an herritarrek parte hartzeko fasea hasiko da

Urriaren 7tik 20ra bitartean kiroldegiko kafetegian egingo den erakusketa batek lehen faseko bost proposamen irabazleak erakutsiko ditu. Herritarrek beren iritzia eman ahalko dute 6 galderari erantzunez.

07·10·2019


Ekimenaren prozesua

HERRITARREN PARTEHARTZEA

20/07/2019

Gaur egungo fasea

PROPOSAMENEN ANALISIA

Gaur egungo fasea

ONDORIOAK ETA EMAITZAK

Gaur egungo fasea

Lasarte-Oriako Udalak  ireki du prozesu bat zeinaren bidez Lasarte-Orian erroldatuta dauden 16 urtetik gorako pertsonek aukera izango baitute epaimahaiak hautatutako bost proposamenenak ikusteko, aztertzeko eta haien gainean beren iritzia emateko.

Epaimahaia alkateak eta hiru arkitektok (udaleko arkitektoa, bulego teknikokoa eta Arkitekturako Eskolako zuzendaria) osatzen dute, eta hango idazkari dihardu Hirigintzako buruak. Ideia-lehiaketako bost proposamen irabazleak hautatu ondoren, parte hartu zuten taldeei proiektua garatzeko eta informazio gehiago emateko eskatu zieten, eta horren emaitza izan da proiektu bakoitzeko 3 panel, memoria bat, aurrekontua eta obra gauzatzeko kronograma bat.

Herritarrak urriaren 7tik 20ra bitartean hurbil daitezke kiroldegi munizipaleko kafetegira panel horiek ikustera, eta haietan aurkituko dituzte proiektu bakoitzari buruzko fotomuntaketak, memoria bat eta hainbat informazio. Proposamen bakoitza aztertu ondoren, proiektuen zenbait alderdiri buruzko galdetegi bati erantzuteko eskatzen da.

Galderan aipatzen den gaian, proiektuetako bakoitza 1etik 5era baloratuz erantzun behar da, 1a balorazio txikieneko proposamena izanik eta 5a balorazio handienekoa. Horrez gain, izena, deiturak eta DNI zenbakia ere sartu beharko dira.

Epaimahaiak prestatutako galderak honako hauek dira:

  1. Zein proiektu integratzen da hobekienik hiri-ingurunean eta lehendik dauden Michelin Kirolguneko instalazioetan (ibai ondoko ibiltokia, kiroldegirako sarbidea, harrera-gunea, kafetegia, etab.)?
  2. Zein proiektuk konpontzen ditu hobekienik instalazioetako sarbideak eta erabiltzaileen nahiz ikusleen zirkulazioak?
  3. Zein proposamenek konpontzen du hobekienik eremu hezea (igerilekuak, gorputza tratatzeko gunea, aldagelak eta abar)?
  4. Zein proposamenek konpontzen du hobekienik eremu lehorra (pista polibalentea, padeleko pistak, eremu aerobikoa, muskulazioko gunea, aldagelak eta abar)?
  5. Horietako zeinek betetzen ditu hobekienik zure kirol-premiak?
  6. Zein lehentasun-ordena emango zenieke proiektuei?

Parte hartzeko orria betetakoan, kiroldegiko harrera-lekuan egongo den boto-ontzian sartu beharko da. Erroldako datuak egiaztatu ondoren, batez besteko bat egingo da herritarrek proiektu bakoitzari emandako balorazioekin. Informazio hori, leudekeen oharrekin batera, epaimahaiari entregatuko zaio, eta hark hautatu beharko du proiektu irabazlea, zeinari enkargatuko baitzaio kiroldegi berriaren exekuzio-proiektua idazteko lana.

Alkateak jakinarazi zuenez, proiektuak 8 milioi eurotik 14 milioira artekoak dira, eta herritarrei aktiboki parte hartzeko eskatu zien, galderei buruz hausnartuz eta Lasarte-Oriako udalak egingo duen inbertsiorik garrantzitsuenari buruz beren iritzia emanez. Garrantzizkoa da parte hartzen dutenek gogoeta lasaia egitea ea zein proiektu izan daitekeen gure udalerriarentzat aukerarik onena.

Gainera, nahi dutenek udalaren webguneko Herritarren parte-hartzea atalaren bidez parte har dezakete, non egongo baita informazio guztia herritarren eskura.


Erlazionatutako berriak

Terrazen gaineko ordenantza egiteko kontsultak

2019·09·13

Terrazen gaineko ordenantza egiteko kontsultak

Lasarte-Oriako Udalak herri-kontsulta baten bidez emango dio terrazen gaineko ordenantza egiteko prozesuari. Kontsulta publikoa irailaren 26ra arte egongo da zabalik.

Partaidetza sustatzearren auzo-elkarteei dirulaguntzak emateko oinarri arautzailen erakustaldi publikoa

2019·09·04

Partaidetza sustatzearren auzo-elkarteei dirulaguntzak emateko oinarri arautzailen erakustaldi publikoa

Oinarri hauek egin aurretiko jendaurreko erakustaldia jartzen da abian irailaren 19 arte herritarren proposamenak jaso ahal izateko.

Zeremonia zibilak egiteko erregelamendua jendaurreko erakustaldian

2019·08·29

Zeremonia zibilak egiteko erregelamendua jendaurreko erakustaldian

Zeremonia zibilak egiteko erregelamendua egin aurretiko jendaurreko erakustaldia jartzen da abian herritarren proposamenak jaso ahal izateko. Hurrengoan dira arautu beharreko zeremoniak: familian hartzea (jaioberriak), ezkontza eta hileta.

Udalaren lokalak lagatzeko araudia egin aurretiko kontsulta

2019·01·10

Udalaren lokalak lagatzeko araudia egin aurretiko kontsulta

Udalak otsailaren 8ra arte irekitzen du Herriko entitate sozialei lokalak lagatzeko araudiaren inguruan proposamenak egiteko epea.

Auzotarren aholku-batzordea osatu aurretiko kontsulta

2019·01·09

Auzotarren aholku-batzordea osatu aurretiko kontsulta

Udalak, Auzotarren Aholku-Batzordea osatu aurreko jendaurreko erakustaldia jartzen da abian herritarren proposamenak jaso ahal izateko. Auzotarren aholku-batzordea, Udaleko administrazioaren aurrean auzotarren eskubideak defendatzeko organoa da.