2019·05·11

Kirol udalekuak uztailean garatuko dira (txanda bakoitzak aste bateko iraupena izango du; astelehenetik ostiralera) eta bertan, 2007, 2008, 2009 eta 2010ean jaiotako umeek parte hartu ahal izango dute.

Besteen artean ondoko kirol jarduerak praktikatzeko asmoa dago: irteerak hondartzara, surfa, piragua, paddle surfa… Horrezaz gain, egunero, jolasen arteko atsedenaldian, hamaiketako txiki bat eskainiko da, ogitartekoekin, frutarekin…

Jardueraren ordutegia 9:30etik 13:00etara izango da (irteera egunetan 9:00etatik 13:00etara). Taldeak gehienez 20 lagunekoak izango dira, eta plazen erreserbak egiteko izen ematearen hurrenkera errespetatuko da.

Izena emateko eta informazio gehiago jasotzeko Maialen Chourraut kiroldegiko bulegora joan behar da.