Edukira joan
Mostrar/ocultar menú principal de navegación [eu]

Lasarte

Habiaratutako portletak
Aktualitatea
Atzealdea

Herriak harrera bikaina Real Sociedadeko emakumezkoen taldeari

Real Sociedadeko emakumezkoen taldea ostegun arratsaldean heldu zen Lasarte-Oriara, Iraia Iparragirre buru zuela eta Erreginaren Kopa zeramala.

2019·05·17

Real Sociedadeko emakumezko futbolarien taldea ostegun arratsaldean iritsi zen Lasarte-Oriara, ikusmin handi baten erdian, Iraia Iparragirre lasarteoriatarra buru zela eta Erreginaren Kopako titulu irabazi berriaren lekuko den kopa eskuan hartuta.

Jesús Zaballos alkatea eta udaleko gainerako zinegotziak zain zeuzkaten udaletxeko batzar-aretoan, lore-sorta batzuk emateko eta beren lorpenagatik eskerrak emateko.

Alkateak ekitaldi hauen garrantzia azpimarratu zuen, kiroleko berdintasunaren adibidea baita, jakitun izanik gaur egun oraindik kirol-munduan desberdintasuna dagoela gizonen eta emakumeen artean soldatei, publizitateari, marketinari eta abarri dagokienez.

Zaballosek, egokiera aprobetxatuz, aipamen berezia egin zion Iraia Iparragirreri, bere ahaleginagatik eta irmotasunagatik lasarteoriatarrek 2018ko abenduan urteko kirolari hautatu zutenari, eta oroigarrizko plaka bat oparitu zion. Eskerrak eman zizkion Lasarte-Oriako haurrentzat erreferente bihurtu zelako.

Batzar-aretoan harrera egin ondoren, jokalari eta talde teknikoa udaletxeko balkoira irten ziren, eta han, Okendo plaza beteta zeukaten lasarteoriatar mordo baten aurrean, jasotako maitasun-erakustaldiak eskertu zituzten eta hainbat kanta abestu.


Web edukia bistaratu

COVID-19 mapa. LASARTE-ORIA

Legenda
  Azken 14 egunetako kasuak 100.000 biztanleko
400 kasu edo gehiago
300 eta 399 kasu artean
60 eta 299 kasu artean
60 kasu edo gutxiago
Eraginik gabe edo 5.000 biztanle baino gutxiago udalerrian
 

 

*Datuen jatorria: OpenData Euskadi

**14 eguneko tasa 100.000 biztanleko. Tasak kalkulatzeko EUSTATen Biztanleen Udal-Erroldaren Estatistikan 2020ko urtarrilaren 1erako argitaratutako biztanleria hartzen da.